افغان سولې بهیر لپاره دې سیمه اییزه اجماع پیاوړې شي
خبریال وېب پاڼه/ د بهرنیو چارو وزیر محمد حنیف اتمر نن سهار د ایران د بهرنیو چارو وزیر محمد جواد ظریف ټیلفونې اړیکه تر لاسه کړه.
په دې ټیلفوني مکالمه کې د افغانستان د سولې پر بهیر، د اسلامي جمهوري نظام پر ټینګښت او د دوه اړخیزو اړیکو پر پراختیا خبرې وشوې.
ښاغلي ظریف په خپلو خبرو کې وویل چې د افغان دولت د دریځ په ملاتړ یې له یو شمېر هېوادونو سره ګډې هڅې کړي ترڅو د سولې بهیر، د جمهوری اسلامي نظام د ساتنې او په ځانګړې توګه په افغانستان کې د اوربند د ټینګښت او د بین الافغاني مذاکراتو بیړني پیل په موخه سیمه اییزه او نړیواله اجماع لا پياوړي شي.
ښاغلي ظریف وویل چې د یادو مواردو په اړه اجماع وجود لري او په دې برخه کې یې د افغانستان له دولت سره د نورو ګډو اقدماتو له پاره چمتوالی وښود.
ښاغلي اتمر د ایران د بهرنیو چارو له وزیر څخه د پیل شوي لړۍ او همکاریو له امله مننه وکړه او د سیمه اییزې او نړیوالې اجماع په رامنځته ک دو یې د ګاونډیو هېوادونو رول مهمه وباله.
د خبرو په لړ کې پرېکړه وشوه چې دواړه هېوادونه به په ګډه د اړوندو مواردو په اړه خپلو هڅو ته دوام ورکوي.
دواړو لوریو د افغانستان او ایران په دوه اړخیزو اړیکو د مفصلو خبرو ترڅنګ د کرونا له روغتيايي ناروین سره پر ګډې مبارزې هم خبرې وکړې، ښاغلي اتمر د ایران له طبي همکاریو څخه مننه وکړه او د لا نورو همکاریو پر جذب او څرنګوالی هم بحث وشوې.