ملاذاکر پر کور خو ملا یعقوب دنظامي کمېسون مشر وټاکل شو
خبریال ویباڼه – د ملا محمد عمر مجاهد زوی ملا یعقوب د طالبانو د کوټي شورا په یوه ناببره فرمان کې د ټول افغانستان لپاره نظاميمسئول ټاکلی دی . د دې ټاکنې هدف په افغانستان کې د طالبانو د نویو عملیاتو پیل ګڼل شوی دی.
تر اوسه د نظامي کمېسیون لپاره دوه مشران وو ، نیم افغانستان د ملا ذاکر او نیم افغانستان د ملا یعقوب په لاس کې وو؛ اوس ملا ذاکر نه غواړي چې د ملا یعقوب تر لاس لانديکار وکړياو یو ځل بیا خوابدی شوی او پر کور کښېنوستی دی .
د طالبانو د کوټيشورا یوه غړيخبریال ویب پاڼې ته وویل چې ملا ذاکر په لویه کې د امارت د ځینو مشرانو خبرو ته غوږ نه نیوی ؛ د طالبانو او امریکا یانو د تړون مخالفت یې کاوه او اوس هم د امارت ډېر مشران په دې نه ديخوشحاله چې ذاکر دي پر خپل ځای پاتې شي ، بلکه دوی واييچې ملا ذاکر باید نور له جریانه بهر شياو قطر ته واستول شي .
د خبریال ډاټ کام یاده سرچینه واييچې ملا یعقوب چې د طالبانو د تحریک د بنسټ ایښودونکي ملا محمد عمر مجاهد زوی دی ، په ځوانانو طالبانو کې محبوبیت لرياو تر ډېره بریده ښايی د نظاميکمېسیون د مشر په صفت د هغه ګمارنه په دې بابت شوې وي چې ځوان طالبان دافغان امنیتيساتونکو خلاف جګړه ګړندۍ کړي.
د تېري فبر وري میاشتيپر ۲۹ نېټه په قطر کې وسله والو طالبانو او امریکا یانو له یوبل سره د سولي تړون لاس لیک کړ ؛ خو طالبانو اعلان وکړ چې پر افغان امنیتي ساتونکو به خپلو بریدونو ته دوام ورکوي . پر افغان عسکرو د طالبانو د بریدونو اعلان په ولس کې د طالبانو خلاف سخت نفرت را وټاکوه . دا نفرت د طالبانو تر لیکو ورسېدو او په طالبانو کې دننه ځینو کړیو د جګړې څخه د پر شا کېدو هڅه وکړه ، طالبانو په یوه بېساري اقدام کې په یوه ورځتر (۵۰) زیات قوماندانان تغیر او تبدیل کړل ؛ په هغه ډله کې ملا یعقوب د نیم افغانستان لپاره ننظاميمسئول او ملا ذاکر د نیم نور افغانستان لپاره نظاميمسئول وټاکل شول .
اوس ملا یعقوب د ټول افغانستان لپاره نظامي مسئول ټاکل شوی او په دې تړاو به په افغانستان کې یو ځل بیا جګړه زور اخلي .
د خبریال ډاټ کام سرچینې وايي چې دافغانستان لپاره د نظامي مسئول په توګه د ملایعقوب ټاکلو سره تر ټولو اول مخافلت پخپله ملا ذاکر کړی ی .
ملا ذاکر د طالبانو په جنګي لیکو کې د نفوس خاوند قوماندان بلل کېږي چې تر دم ګړیه یې لا هم له امریکا یانو سره د سوليتړون نه دی منلی .