عارف وزیر د سختو ټپونو له امله ساه ورکړه
خبریال وېب پاڼه/د پښتون ژغورنې غورځنګ مخکښ مشر عارف وزیر د سختو ټپونو له امله نن سهار ساه ورکړه.
عارف وزیر پرون جمعه د روانې مې میاشتې په دویمه نېټه خپل کور ته څېرمه د پاکستان پلوه طالب اورپکو تر برید لاندې راغلی ؤ چې د څلور مرمۍ لګېدلی ؤ.
په لومړیو کې داسې معلومات خپاره شول چې ګواکې هماغه وخت مړ شو خو بیا وروسته د پښتون ژغورنې غورځنګ مشرانو د هغه د مړینې خبر رد کړ.
پاکستاني ریاست وخت ناوخت د پښتون ژغورنې غوځنګ پر مشرانو مستقیم او غیر مستقیم بریدونه کوي او غواړي په دې سره د دغې عدم تشدد لارویانو د حق غوښتنې غږ مړاوی کړي، خو دغه غورځنګ ورځ په ورځ غښتلی کېږي او په یوه لویه حماسوي ناره باندې اوړي.
د پښتون ژغورنې غورځنګ مشرانو د پاکستان ریاست ته ګوت څنډنه کړې وه چې که په علي وزیر څه وشي، دا به دوی ته ډېره ګرانه تمامه شي.
علي وزیر تر دې د مخه هم په ځلونو د پاکستاني ریاست لخوا په بېلا بېلو بهانو بندي شوی ؤ تېره میاشت یې خوشی کړ.
تر دې وړاندې علي وزیر په یوه واتسپ پیغام کې د برید پخلی کړی او ویلي یې ديچې پاکستان په هره روژه کې دا ډول بریدونه کوي؛ خو د پښتون ژغورنې غورځنګ به روان وي.
دپاکستاني ملېشو(ګوډ طالبان) له اړخه تر اوسه کوم غبرګون نه دی را څرګند شوی ؛ البته تر دې وړاندي پاکستانياستخباراتو پر عارف وزیر باندي تور پورې کړی وو چې د پاکستان دښمنيته یې ملا تړلې او په لویه کې د پآکستان ریاست نه مني.
تر دې وړانديهم اټکل داوو چې پر عارف وزیر به برید کېږي؛ هغه ته د پي ټي ایم مشرانو د احتیاط کولو هم ویليوو؛ خو نوموړی په دې عقیده وو چې د پښتون ژغورنې په لار کې مرګ ته تیار دی .
د پښتون ژغورنې غورځنګ یوې مشري وړانګي لونۍ د خبریال ویبپاڼې ته وویل چې دا برید د (ګوډ طالبانو) یعني ښه طالبانو له لوري شوی دی.
ګوډ طالبان هغه ډله ده چې په قبایلي سیمو کې د پاکستانيملیشو دنده لرياو په مکمل ډول یې د پآکستان استخبارات اکمال او استعمال کوي.
پر عارف وزیر دغه برید په پښتونخوا ؛ افغانستان او د نړۍ په ګوټ ګوټ کې د پښتنو سخت غبرګونونه را پارولي دي.که څه هم تر دم ګړیه لا د پښتون ژغورنې غورځنګ له لوري د کوم ګام اخیستلو په تړاو اعلان نه دی شوی ، خو په لویه کې ښايي داځل پښتانه پاکستاني پوځ ته ددغه شهادت په تړاو کوټلی غبرګون وښيي.