د عمران خان له نېولو وروسته پاکستان ته د اوښتو زیانونو کره معلومات

خبریال وېبپاڼه: پنجاب کې ۱۲۸۰ لاریوون کوونکي نیول شوي او هلته ۱۴۵ تنه پولیس افسر او پولیس ټپيان شوي.
• د لاریونونو پر مهال لاهور کې ۶۳، را ولپنډۍ کې ۲۸، فیصل اباد کې ۲۱، اټک کې ۱۰، ګوجرانواله کې ۱۳، سیالکوټ کې ۵، میانوالي کې ۶ نظامیان چې په کې پولیس او افسران شامل دي، ټپیان شوي.
• تر اوسه ۶۰ نظامي موترې سوزول شوي چې ۱۷ لاهور، ۳ په ګجران واله، ۱۳ په فیصل اباد، ۵ سیالکوټ، ۱۸ را ولپنډۍ، ۲ په بهکر او یو په اټک کې سوزول شوي دي.
• د عمران خان د نیولو وروسته د پاکستان رسمي بانکونو کې یو ډالر په ۲۹۹ پاکستانیو کلدارو پلور کېدو چې په تاریخ کې په لومړي د کلدارې سپکوالی ښایي
• د پاکستان په اکثریت ښارونو کې له تېرې ورځې راهیسې ښوونځي تړل شوي دي.
• د لاریونونو له امله لس تنه وژل شوي چې ۷ تنه یې یواځې خیبر پښتونخوا کې دي
• خیبر پښتونخوا کې د ۳۶ نظامیانو په ګډون ۱۰۴ تنه نور ټپیان شوي
• ۲۹۶ تنه لاریونوال یواځې خیبر پښتونخوا کې نیول شوي.
• د خیبر پښتونخوا یوې نظامي اډه چې ودانۍ یې څو ورځې مخکې جوړه شوې وه، ورته اور اچول شوی چې په کې اته موټرې، وسایل او ودانۍ هرڅه لولپه شوي.
• د خیبر پښتونخوا مرکزي ښار پېښور کې د پاکستان ټاکنو کمېسیون ویاند وايي، ناپېژاندو کسانو د دې کمېسیون پر ځایي دفتر یرغل کړی.
• خیبرپښتونخوا کې د ټاکنو ودانۍ اسناد سوزول شوي، وسایل لوټ شوي، په دفتر کې ولاړ موټرو او موټر سایکلونو ته اور اچول شوی دی.