رانا ثناالله: عمران خان له زرګونه خلکو وسله وال جوړ کړي
خبریال وېبپاڼه: د پاکستان د کورنیو چارو وزیر رانا ثناء الله، پخوانی لومړی وزیر او د تحریک انصاف ګوند مشر عمران خان په دغه هېواد کې د زرګونو بدو کسانو په وسلو او روزنې تورن کړی دی.
ډان ورځپاڼې راپور ورکړی چې د پاکستان د کورنیو چارو وزیر په اسلام اباد کې په یوه خبري غونډه کې وویل چې دا کسان د خان له خوا وسله وال شوي او په تېره یوه لسیزه کې په ټول هېواد کې استخدام شوي دي.
ثناالله د خان د خوشې کولو په اړه د محکمې په پریکړه نیوکه وکړه او دا یې د هغه لپاره د “فوق العاده امتیاز” سره پرتله کړه.
په ورته وخت کې د پاکستان د اوبو او هوا او دفاع وزیرانو هم د پاکستان د کورنیو چارو وزیر عمران خان ته ورته تورونه لګولي دي.
د پاکستان د کورنیو چارو وزیر وویل چې د عمران خان د نیول کیدو نه وروسته په مظاهرو او ناکراریو کې له ۴۰ زرو نه تر ۴۵ زرو پورې کسان شامل وو.
هغه وویل، چې ټولو لاریون کونکو د خان په امر عامه ملکیتونو ته اور ورته کړ.
نوموړي خبرداری ورکړ چې دوی به د امنیتي کمرو په کارولو سره ټول لاریون کونکي وپیژني او وبه یې نیسي.
عمران خان تر اوسه د دغه تور په اړه غبرګون نه دی ښودلی.
په پاکستان کې د عمران خان له خوا د زرګونو بدو کسانو د مسلح کولو تورونه په داسې حال کې پورته کیږي چې تیره اونۍ د عمران خان له نیول کیدو وروسته په دغه هیواد کې د دریو ورځو لپاره مرګوني او ویجاړونکي مظاهرې پیل شوې وې.
د راپورونو له مخې په دغو مظاهرو کې شاوخوا لس تنه وژل شوي او لسګونه نور ټپیان شوي دي.
د پاکستان لومړي وزیر شهباز شریف پرون په دغه هیواد کې د مظاهره کوونکو د نیولو امر وکړ.