لندن کې د افغان ښځو په ملاتړ غونډه کېږي

خبریال وېبپاڼه: لندن کې د افغان ښځو په ملاتړ غونډه کېږي.
ټاکل شوې چې نن د برېټانیا په پلازمېنه لندن کې له افغان ښځو سره د طالبانو د ظلم، د دوی پر وړاندې د زد کړو بندېدو او له دوی څخه د کاري حقونو اخېستو په غبرګون کې غونډه وشي.
په دې غونډه کې ډېره برخه ښځې برخه لري چې له نړۍوالو به وغواړي، ترڅو له طالبانو څخه د افغان مېرمنو حقونه واخلي.
په پام کې ده چې دې غونډې ته به د پښتون ژغورنې غورځنګ مشر منظور احمد پښتین او علي وزیر هم وینا وکړي.
د یادونې وړ ده چې تر دې وړاندې هم په ګڼو بهرنیو هېوادونو کې د افغان مېرمنو د حقونو لپاره غږونه اوچت شوي دي.
دا په داسې حال کې ده چې تازه د جي اوه هېوادنو هم په افغانستان کې د ښځو پر وړاندې لګیدلي بندیزونه غندلي او له طالبانو یې د دغو بندیزونو لرې کېدو غوښتنه کړې ده.