د نېشنل جیوګرافیک ټولنې جایزه شبانه بسیج وګټله
خبریال وېبپاڼه: شبانه بسیج راسخ د افغان ښځو او نجونو د زده کړې په برخه کې، د فعالیتونو له امله، د نېشنل جیوګرافیک ټولنې، د ۲۰۲۳ زېږدیزکال د «کال غوره سپړونکې» جایزه وګټله.
د نشنل جیوګرافیک ویبپاڼې ددې انجمن د رئیسې (جیل تیفنتالر) له قوله راپور ورکړی، چې هغوي راسخ لدې امله چې «خپل ژوند یې د افغان میرمنو تعلیم او ژوند ښه کولو ته وقف کړی» ستایلې ده.
د نېشنل جیوګرافیک ټولنې مشرې جېل تیفنتالر وویل: «شبانه یوه تکړه، مخکښه او با استعداده میرمن ده، چې خپل ژوند یې د افغان ښځو او نجونو د تعلیم او ژوند ښه کولو ته وقف کړی دی. هغه ښوونې او روزنې ته د لاسرسي، د مساوات او د تبعیض له منځه وړلو لپاره لارې چارې رامنځته کوي، د هغې زړورتیا او ژمنتیا یو الهام دی.»
د نشنل جیوګرافیک انجمن جایزه، هر کال د نېشنل جیوګرافیک سپړونکو ټولنې غړي ته ورکول کیږي، چې د نړۍ مهمو مسئلو او د ځمکې د وچې پر وړاندې ننګونې په ګوته کړي، ورکول کېږي.
شبانه راسخ په کابل کې لویه شوې او د طالبانو د واکمنۍ په لومړۍ دوره کې یې د طالبانو له نظره پټو ښونځیو کې زدهکړې کړي دي.
شبانه راسخ له افغانستانه تر کډوالۍ وروسته په امریکا کې زده کړې وکړې او د «سوله» ښوونځي له بنسټ ایښودونکو څخه ده، چې د افغان نجونو لپاره د لوړ کیفیت زده کړو په برخه کې فعاله ده.
دا ښوونځی فارغو افغان نجونو ته نړیوالو پوهنتونونو کې د شامېلیدو چانس ګټلو چمتوالي په موخه درس ورکوي.