د طالبانو مذاکره کوونکي ټیم کې بدلونونه
خبریال وېب پاڼه/ ډيلي ټایمز وايي طالبان خپل مذاکره کوونکي ټیم کې بدلون راولي یا هم نوی ټیم د خبرو لپاره ټاکي.
د طالبانو مشران د بین الافغاني خبرو په درشل کې د دې ډلې مذکراتي ټیم کې د بدلون او حتی د نوي ټيم جوړېدو په اړه خبرې کوي.
د طالبانو یو غړي چې نه غوښتل نوم یې واخیستل شي ډیلي ټایمز ته ویلي دي چې وړاندیز شوی دی د طالبانو مشرتابه ډلې څخه یو نوی ټیم جوړ شي او دا ټیم به د طالبانو مشرتابه د مستقیمې څارنې لاندې وي.
د طالبانو دې غړي ویلي، بل وړاندیز دا دی چې نوي غړي دې پخواني ټيم ته ور وپېژندل شي او د دې موخه چې ټیم د چا تر نفود تر اغېز لاندې نه وي.
همدارنګه یې وویل چې پرېکړه نیول شوې نه ده او هیلې دا دي چې په دا وړاندیز به راتلونکو ورځو کې د رهبرۍ شورا کې خبرې وشي.
راپور کې راغلي دي چې د طالبانو رهبر امیرخان متقي، مولوي جان محمد مدني، ضیاالرحمن مدني، شیخ سید رسول د مذاکرې له ټیم څخه لرې شوي دي او داکتر صالح، منیر سعادت، جهانګیروال، عبید عابد قاضي سیدا جان هم د قطر سیاسي دفتر څخه لېرې کړل شوي دي.
په ورته مهال د افغان حکومت مذاکراتي ټیم هم پوره چمتوالی نیولی او د مذاکراتو نېټې د وروستۍ کېدو سره به حرکت وکړي.
له دې سره بیا وړم ماښام د افغانستان امریکا او روسیې د تاوتریخوالي کموالي او بین الافغاني خبرو ژر تر ژره پیلېدو باندې ټینګار کوي.
د بهرنیو چارو وزارت وايي چې د افغانستان له پاره د امریکا او روسیې ځانګړو استازو په یوه ویډیو ناسته کې د افغانستان بهرنیو چارو وزارت سرپرست سره د سولې هڅو څخه هرکلی کړی او بین الافغاني خبرو په اجنډا کې د اوربند شاملیدو باندې ټینګار وکړ.
درې واړو لوریو همدارنګه د افغانانو په مشرۍ د سولې بهیر کې د مرستو ژمنې او د نولسو کلونو لاسته راوړنو په اړه ژمنې شو يدي.