سږ کال هلمند کې ۴۴۳ زره ټنه غنم تولید شوي

خبریال وېب پاڼه/ د هلمند کرنې اوبو لګولو او مالدارۍ ریاست وايي سږکال ۴۴۳ زره ټنه غنم تولید شوي.

هلمند کې د غنمو حاصلاتو د ډېرېدو تر څنګ یې نرخونه هم لوړ شوي چي خلک یې علت د افغانستان هدد نورو ولایتونو په ګډون پاکستان هېواد ته د صادراتو یادونه کوي.

بل لوري ته د هلمند والي ویاند ویلي چي نورو سیمو ته د هلمندي غنمو د لېږد مخنیوي لپاره د ولایتي ادارې له لوري ځانګړې کمېټه ټاکل شوې.

دا چې سږکال د نورو کلونو په پرتله ابي وو نو هلمند کي غنمو هم ښه حاصلات ورکړي دي چي د هلمند د کرهڼي اوبو لګولو او مالدارۍ ریاست له لوري اټکل شوي چي ۴۴۳ زره ټنه غنمو حاصلات يې په لاس راوړي خو سږکال هلمند کي غنمو د سرخک په نوم یوه ناروغي هم پیدا کړې وه چي بزګران یې په مخنیوي کي پاتي راغلي وو.

د هلمند ولایت د کرهڼي اوبو لګولو او مالدارۍ ریس زلمي الکو وايي چي سږ کال د نورو کلنو په پرتله ابي او د غنمو په حاصلاتو کي یې د پام وړ پر مخ تګ راغلی چي ۴۴۳ زره ټنه غنم دلته تولید شوي دي.

الکو زیاتوي چي بزګرانو ته یې د عامه پوهاوي په برخه کي ډېر نور پروګرامونه هم جوړکړي وهو، زلمي الکو د غله جاتو د ټولنې د جوړېدو یادونه وکړه چي د بزګرانو څخه به غنم رانیسي او بیا به یې اوړه کوي، ده وویل چي هره ورځ د ۲۵۰څخه تر ۲۰۰ ټنو پوري اوړه د افغانستان نورو ولایتونو ته لیږدول کیږي.

ده د غنمو په اوړو کې د اړولو ملي طرحې د جوړېدو یادونه هم وکړه چي بزګران به په کې سرمایه کذاري کوي.

الکو پر ولایتي ادارې غږ وکړ چې بهرنیو هېوادونه ته دې د غنمو په لېږد بندیز ولګوي.

معمولاً د رشو او حاصلاتو پر مهال د غنمو نرخونه را ټيټیږي خو سږ کال ددې برعکس عمل وشو هغه دا چې د غنمو نرخونه لا نور لوړ شوو چې د هلمندیانو د لاریون لامل هم شول دوی لاریون کې د دې یادونه وکړه چي غنم د هېواد په شمول د پاکستان هېواد ته هم په بېلابېلو لارو لېږل کيږي چې بیا له هغه لوري د اوړو کولو وروسته بېرته په دوه برابره لوړ نرخ پر افغانانو پلورل کیږي.

چي د دې په اورېدو ولایتي ادارې یوه ځانګړې کمېټه جوړه کړه چې د غنمو پر کنټرول کار وکړي خو بیا هم خلک پر ولایتي ادارې نیوکي کوي چي ولایتي اداره په دې برخه کې پاتې راغلې.

د هلمند د والي ویاند عمرځواک وایي چې د نورو ولایتونو په ګډون پاکستان هېواد ته هم د غنمو پر لېږد بندیز لګولی او همدا راز یې یوه ځانګړې کمېټه جوړه کړې چې د غنمو قاچاقي لېږد مخه ونیسې.

هلمند کې داسې مهال پر ولایتي ادارې د خلکو له لوري نیوکي کیږي چې څو ورځې وړاندې ولایتي اداې یوه کمېټه ټاکلې وه او هغوې ته يې بې له اوړو د غنمو په لېږد د ټینګ بندیز غوښته کړې وه چي لا یې اوس هم په سم ډول مخنیوی نه دی شوی

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More