لس هغه لاملونه چې د زر زړښت لامل کېږي
خبریال وېب پاڼه/زړښت او د عمر په تېرېدو سره په څېره، وېښتانو او وجود کې د کمزورۍ احساس د ژوند یو عادي او په هر چا باندې راتلونکی پړاو دی خو دا چې څنګه کولی شو په نسبي توګه تر زیات عمر په خپله ظاهري ښکلا کې د زړښت له نښانو سره مقابله وکړو، هغه څه دي چې باید ځان پرې پوه کړو.
راځئ هغه لس عوامل وپېژنو چې د زر زړښت لامل کېږي:
- په یوه وخت څو دندې پر مخ وړل. دا هغه څه دي چې ذهني آرامي له سړي اخلي او د خپګان او فشار لامل کېږي.
- په ۲۴ ساعتونو کې له ۵ کړیو کم خوب کول. دا هم کولی شي ستاسې ذهني سکون واخلي او نارامي مو زیاته کړي.
- ډېره غذا خوړل: د پوستکي او ويښتانو متخصصین په دې باور دي چې خواږه یا قند په بدن کې د حجرو د پروټينونو د الیاف د کمزوري کیدو باعث ګرځي. دا د دې لامل کیدای شي چې د پوستکي تازه والی یا ځلا له مینځه یوسي او د ګونځو د پیدا کیدو سبب وګرځي.
که چیرته غواړئ چې د مخ او پوستکي ښکلا او تازه ګي مو پر ځای پاتې شي نو د خوږو شیانو خوراک کم کړئ.
- تلویزیون ته ډېر کتل: هغه کسان چې په منځنۍ توګه په ورځ کې له شپږ ساعتونو زیات تلویزیون ګوري؛ د خپلو همزولو په نسبت پنځه کاله کم ژوند کوي.
کله چې له ۳۰ دقیقو زیات کینۍ، بدن مو خواږه یا قند حجرو ته سپاري چې دا ستاسو د چاغوالي لامل ګرځي. کله چې تلویزیون هم ګورئ نو له هرو ۳۰ دقیقو وروسته پاڅیږئ او قدم ووهئ.
- د سترګو او پستکي د کریمونو نه کارول: د سترګو شاوخوا پوستکې مرطوب او لوند ساتل مو کلونه ځوان ښکاره کوي. هغه کریمونه چې د ویټامین ای لرونکي وي پوستکی نرم او مرطوب ساتي. ټول هغه نرم کوونکي او مرطوب کوونکي کریمونه انټي اکسیډنټ، هیلورنیک اسیډ او ویټامین سي لرونکي وي.
- د لمر د وړانو ضد کریم نه کارول: له وخته مخکې د زړښت یو بل لامل هم د لمر وړانګو ضد کریمونو نه استعمالول دي. د لمر وړانګې د پوستکي الاستیکیت کمزوری کوي او پوستکي کې خطونه او ګونځی پیدا کیږي. د لمر ضد کریمونه هر وخت استعمال کړئ حتی که د لمر وړانګې په وریځو کې هم پټې وي.
- فزیکي فعالیت نه کول: د انګلیستان طبي او ورزشي ژورنال څیړنو ښودلې، هغه کسان چې د ورځې په اوږدو کې په فزیکي ډول فعال وي له ۱۰ تر ۱۳ کلونو زیات ژوند کوي.
- ځانته پاملرنه نه کول: له حده زیات آرایش کول، په خاص ډول غوړین محصولات استعمالول چې ستاسو د پوستکي نورمال فعالیت زيانمنوي او د تورو لیکو او داغونو د پیدا کیدو سبب ګرځي، کارولو کې یې خورا له دقت څخه کار واخلئ.
- شحم لرونکي خواړه نه خوړل: ډیر شحمیات د بند سلامتۍ او ظاهري ښکلا ساتلو لپاره ضروري دي. د اومیګا ۳ شحم د زړه د سلامتیا لپاره ضروري دي چې په ماهیانو او وچو میوو کې شته دي. دغه شحم د دماغ او زړه سلامتیا لپاره ښه دي.
پدغه حالت کې ويدونه کیدو له امله د مخ په انساجو او شته کولاجین باندې د فشار له امله کمزوري کیږي او د خطونو د پیدا کیدو سبب ګرځي، چې کیدای شي دايمي شي.
- کور یا کوټه له حد زیات زیات ګرمول: په یخ موسم کې کور له حده زیات ګرمول چې د هوا رطوبت کموي چې دا د پوستکي د وچوالي سبب ګرځي او التهابي کیږي، نو د کور یا کوټې ګرمولو کې له ډېر دقت څخه کار واخلئ.