لویې څارنوالۍ د برهان عرش په نوم د پیسو لوی غل ونیو
خبریال وېب پاڼه/ دوو شرکتونو د کاناډا او اروپایي هېوادونو د ویزې اخیستو په پلمه، هېوادوالو څخه زرګونه ډالره اخیستې دي.
د یوه مسافرتي شرکت د مرسل سادات پولي او صرافۍ چوپړتیاوو شرکت سره همغږۍ کې، غولونې سره، د هیوادوالو زرګونه ډالره پیسې وهلي دي.
یو شمېر هغوه هېوادوال چې ادعا لري د دغه شرکت له خوا تېر ایستل شوي دي وایي، برهان عرش چې د دواړو شرکتونو مشري پر غاړه لري، د کاناډا او یو شمېر نورو اروپایي هېوادونو د ویزې اخیستو په پلمه، هغوی څخه پیسې اخیستې خو څوک یې بهر ته نه دي لېږلي.
برهان عرش دریو نورو کسانو سره د دوکه کارۍ په تور د لویې څارنوالۍ له خوا نیول شوی دی او دوسیې یې محکمې ته استول شوې دي.
هغه ډله چې د کاناډا تلو لپاره یې پیسې لګولي دي، لا هم په کابل کې سر ګردانه ګرځي.
دوی یوې موخې سره راټول شوي دي او له هغه شرکت څخه د پیسو بېرته اخیستل مدعي دي، چې دوی ته یې دوکه ورکړې ده.
له شل تر څه باندې سل زره ډالر یې هغه مسافرتي او د پیسو خدماتي شرکت او صرافۍ ته ورکړي دي چې هېوادونو لکه د کاناډا او اروپایي هېوادونو ته د ویزې د اخیستو توان او صلاحیت نه لري.
محمد تواب نږدې یو کال مخکې کاناډا ته د تلو په موخه د شل زره ډالرو په بدل کې د نړیوالو اړیکو مسافرتي شرکت سره تړون وکړ.
تواب وایي ټاکل شوې وه چې دغه شرکت د شل زره ډالرو په بدل کې، د کاناډا ویزه ورته واخلي، خو صرافي او شرکت ته په کراتو مراجعې سره، نه یې د کاناډا ویزه ترلاسه کړه او نه یې هم پیسې.
د کاناډا او نورو اروپايي هېوادونو ویزې اخیستلو لپاره، د باور وړ شرکت او صرافۍ کې د مشتري پیسو ایښودل، اصلي شرط څخه شمېرل کېده.
پولیسو د مرسل سادات صرافي مهر لاک کړې ده.
هغه صرافي چې د هېوادوالو زر ګونه ډالر پیسې یې اخیستي او بیرته یې نه دي ورکړي.
په دغه سند کې د مشتري پیسې د امانت په توګه د پیسو خدمتونو او صرافي کې ساتل کېدې او د نړیوالو اړیکو مسافرتي شرکت مشر برهان عرش د مرسل سادات صرافي مالي ضمانت کاوه.
یو شمېر زیانمن کسان وایي چې مسافرتي شرکت د پیسو خدمتونو شرکت سره په همغږۍ کې چې د دواړو په مشرتابه کې یو تن دی، خلکو ته دوکه ورکوله او پیسې یې ترې اخیستي.
دغه کس هم څه باندې شپیته زره ډالره شرکت ته ورکړي دي.
دغه شرکت د پیسو تر لاسه کولو څخه وروسته، مشتریانو سره ژمنه کوله چې د دوی ویزې پروسېس او د ګوتې نښان اخیستل په دوبۍ کې د کاناډا سفارت کې ترسره کوي، خو د کاناډا سفارت پر ځای، دوی یې بیول او د بي اف اس ګلوبل په نوم یوه عادي شرکت کې یې د ګوټو نښان ترې اخیست.
د نړیوالو اړیکو مسافرتي شرکت تړون په یوه برخه کې له مشتري سره، د ویزې د پروسس موده درې میاشتي یاده شوې ده د ویزې نه تر لاسه کولو په صورت کې مشتري ته یې باید خپلې پیسې بېرته ورکړل شي.
خو زیان لیدونکي ادعا لري چې له میاشتو وروسته، د دوی پیسې بېرته نه دي ورکړل شوي.
لویې څارنوالۍ برهان عرش له درې تنو نورو سره د فریب کارۍ په تور نیولي دي او اوس په توقیف خونه کې دي.
د دغه بنسټ ویاند وایي له برهان عرش څخه د پیسو اخیستلو لپاره دیرش تنو لویې څارنوالۍ ته مراجعه کړې ده.
د برهان عرش مدافع وکیل ونه غوښتل چې په دې اړه زموږ سره خبرې وکړي.
د دغه کس شرکت، د کابل په زړه کې د ولسمشرۍ ماڼۍ دوه سوه متري کې پرانیستی دی او حکومت یې تر دا مهاله د تړل کېدو لپاره یې پریکړه نه ده نیولي.