د کرونا وایرس سره سره بریتانیا کې د(۶۰۰۰) کسانو ځغاستلوبه
خبریال ویب پاڼه / د بریتانیا په نړۍ واله میراتهن لوبه کې (۶۰۰۰) زره کسانو برخه اخیستې وه .
دا لوبې ته نړۍ وال لوبغاړياو د بریتانیا ډېری اوسېدونکي ورغلي وو. که څه هم حکومت اعلان کړی چې ډېری کسان به نه سره یوځای کېږي او دزرګونه کسانو یوځای کېدلو یوځل بیا د نړۍ والو پآم د بریتانیا لورته را اړولی دی .
په بریتانیا کې د خبریال ډاټ کام همکار وايي چې تېره ورځ لمړي وزیر بوریس جانسن اعلان وکړ چې دفاترو ته تګ ؛ پپونو او د ښونځیو پکنیکونه لغوه دی .
که څه هم د کرونا وایرس وېره ډېره زیاته ده ؛ خو د بریتانوي میراتهن لوبي نندارې ته هم زرګونه کسان ورواتلي وو.
د کرونا وبايي وایرس ددغه رابور د لیکلو تر وخته 1,543 کسان نیولي چې 152 یې یوازيپه تېرو څلیرویشتو ساعتونو کې په دغه وبا اخته شوي دي.
د کرونا وایرس نه په بریتانیا کې 52 کسان جوړ شوي خو 55 یې مړه کړي دي .
دلته پر هر ډول لوبو بندیز لګېدلی ،ودونه عبادت ځایونه او لويي غونډي کنسل شوې دي ؛ البته د میراتهن لوبه چې له میاشتو میاشتو تیاریانې ورته روانې وې ترسره شوه .
بریتانوي چارواکي په دې باور دي چې دلته به تر نورو هیوادونو د کرونا وایرس تلفات لږ وي ؛ علت یې دادی چې یو خو روغتیا يي استانتیاوې د ډېرو هیوادونو په انډول منظمې او زیاتيدي، بل دلته خلکو ته روغتیا يي پوهاوی ورکول کېږي او ولس د حکومت هري پرېکړي او لار ښونې ته غاړه ایږدي.
په ټوله نړۍ کې اوس په کرونا وایرس د اخته کسانو شمېر تر ۱۸۰ زرو رسېږي او په اروپا کې ۳۵ زره کسان په دغه ناروغياخته شوي دي.
وایرس تر اوسه (۷۰۵۵) کسان وژلي چې ډېره برخه یې په چین کې او دوهم ډېر ځپل شوی هیواد ایټليدی چې ( 2158) کسانو ژوند له لاسه ورکړی دی .
تر اټلي وروسته ایران او تر ایران وروسته هسپانیا دغه وایرس سخته ځپلې ده .
روغتيا پالان وايي چې کرونا وایرس به غری هیوادونه ډېر زیات وځي ؛ علت یې دادی چې یو خو پر نفوسو کنټول او بل پّ لویه کې روغتیايي خدمتونه ډېر کمزوري دي.
دکرونا وایرسي وبا په ټوله نړۍۍ کې په تېزيمخ په پراخېدو ده ؛ د روغتیا نړۍ وال سازمان وايي چې د هر هیواد چارواکيباید کوټلي ګامونه اوچت کړي، کنه دا وبا به ډېر لوی زیان واړوي.