د پښتنو لوی تاریخ ته د دانش سپکاوی او د پښتنو ګڼ غبرګونونه
خبریال وېب پاڼه/ د ولسمشر دویم مرستیال سرور دانش د احمد شاه بابا په مشرۍ رامنځته شوې امپراتورۍ او له هغې را وروسته د پښتنو حکومتونه مؤرثي، سلطنتي، استبدادي او دیکتاتوري حکومتونه او نظامونه بولي.
دانش پرون له ولسمشر سره ګډ بامیان ولایت ته سفر درلود او د وینا پر مهال یې ویلي، د طالبانو د حکومت را منځته کېدل عیناً د سدوزیانو او محمدزیو ٢٣٠ کلن استبدادي او دیکتاتوري حکومتونو او نظامونو بڼه لري. چې هغه وخت هم یوې کوچنۍ قبیلې چې د ولس له روح او محتوا سره یې تړاو نه درلود په مؤرثي ډول حکومت کاوه او امارت هم د هغوی په شات ډله ده.
د سرور دانش دا څرګندونې د لوی احمد شاه بابا او د د پښتنو او د پښتنو نورو لویو مشرانو او نظامونو ته یې مستقیماً سپکاوی دی او د پښتنو تېر نظامونه او حکومتونه ظالمانه او استبدادي بولي.
د سرور دانش دا ګستاخانه څرګندونې په ټول هېواد کې د پښتنو او پښتنو د نویو ځوانانو ګڼو غبرګونونو سره مخ شوي.
پر خواله رسنیو فعالان وایي، سرور دانش باید د خپلو دې څرګندونو په تړاو له ملت او په ځانګړې توګه له پښتنو بیا بیا بخښنه وغواړي.
د خواله رسنیو کاروونکو د سرور دانش د یادو څرګندونو په غبرګون ویلي، چې خپله په ایران کې را لوی شوی، پلرونه او نیکونه یې معلوم نه دي او را پاڅیږي د پښتنو پر لوی تاریخ ملنډې وهي. په داسې حال کې چې خپله یو مهاجر او له مغلوستان را کډه شوی د چنګیز له اولادې نه دی، او د مغولستان یو مهاجر باید دا حق ځان ته ور نه کړي چې د پښتنو د تاریخ لوی څټې او تاریخ یې سپک کړي.
دوی ټینګار کوي چې ژر دې له پښتنو په رسمي توګه بخښنه وغواړي، او نور دې د دوی د زغم ازموینه نه اخلي، کنه نه د ایران د هغه روزل شوي چاسوس په څېر به یې له دې وطن لېرې وغورځوي لکه څنګه چې طالبانو ایرانی جاسوس له هلیکوپټر وغورځاوه.
په ورته مهال د قومونو او قبایلو چارو وزیر ګل اغا شېرزی وایي پښتنو مشرانو او تاریخ ته د سپکاوي په تړاو د سرور انش وروستۍ څرګندونې غیر مسؤولانه دي او غندو یې او په دې تړاو به د خپلو ولسونو سره په ګډه خپله وروستۍ پرېکړه شریکه کړو.
د ګل اغا شېرزي په ګډون زیات شمېر پښتنو سیاسي او جهادي مشرانو او چارواکو د ښاغلي سرور دانش وروستۍ څرګندونې غندلي او دا یې په اوسني حساس وخت کې بې اتفاقۍ او د جنګ اور ته لمن وهل بللي دي.