The news is by your side.

افغان غوره لیګ کې ځوان لوبډلمشر راشد خان اصغر افغان ته ماتې ورکړه

د افغانستان غوره لیګ یا ( APL ) سیالیو په دوام کې نن د اکتوبر پر ۱۱ مه نېټه په مازدیګرنۍ سیالۍ کې کابل ځوانان د کندهار پر وړاندې د لوبې ډګر ته ووتل چې یاده سیالي د راشد خان په لوبډلمشرۍ کې کابل ځوانانو  په ۲ منډو وګټله.

په دغې لوبه کې پچه کندهار لوبډلمشر اصغر افغان وګټله او لومړی یې د توپ اچونې پرېکړه وکړه کابل ځوانانو په ټاکلو شل اورونو کې د ۶ لوبغاړو په سوځېدو سره ۱۷۳ منډې جوړې کړې او د۱۷۴ منډو هدف یې کندهار لوبډلې ته وټاکه.

په توپ وهنه کې د کابل لوبډلې لپاره ترتولو ډېرې منډې لاروي ایونس ۵۷ ،  جاوید احمدي ۳۹ او شاهدالله کمال ۳۳ منډې جوړې کړې.

په توپ اچونه کې د کندهار لوبډلې لپاره سید شېرزاد ۳ کریم جنت ۲ او محمد نوید ۱ لوبغاړی له مخې پورته کړ.

په دویمه پاڼۍ کې کندهار لوبډلې د ۱۷۴ منډو په ځواب کې ۱۷۱  منډې د ۷ لوبغاړو په سوځېدو سره په شل اورونو کې جوړې کړې .

د کندهار لپاره ترټولو ښه توپ وهنه لوبډلمشر  اصغر افغان ۵۲ منډې ،  ویسلس ۴۶ او ناصر جمال ۳۸ منډې جوړې کړې .

په توپ اچونه کې د کابل لپاره  تر ټولو ډېر مسلم موسا شاهدالله، او پارنېل دوه دوه لوبغاړي له مخې پورته کړ.

یاده سیالي کابل ځوانانو په ۲ منډو وګټله او دنمرو په جدول کې ۶ نمرو په درلودلو سره یې لومړی مقام خپل کړ.

د نن شپې په دویمه سیالۍ کې به شاوخوا ۸ نیمې بجې ننګرهار د بلخ پر وړاندې د سیالۍ ډګر ته ووځي.