fbpx

د پاکستان علامه اقبال ډېره شاعري غلا کړې

هسې تاسې به هم فکر کوئ، چې اقبال لاهوري غل و، نو ما ورسره (علامه) ولې وليکل، په اصل کې اقبال لاهوري اوس په (علامه اقبال) مشهور شوى دى، نو که يو څوک يې په اقبال لاهوري ونه پېژني، هغه يې په (علامه اقبال) حتمي پېژني، نو دا مو ورته يواځې په همدغه خاطر ليکلى دى.

که تاسې د پاکستان تاريخ وګورئ، نو تاسې ته به څرګنده شي چې د پاکستان نظريه جعلي ده، ځکه دا نظريه هغه وخت انګليس وايسراى ليکلې وه او بيا يې جناح او د مسلم ليګ نورو مشرانو ته ورکړه، چې تاسې په لاهور کې يوه غونډه وکړئ او هلته د بيل هېواد غوښتنه وکړئ. کله چې په لاهور کې غونډه وشوه، نو په دوهم ځل ورته بيا هم د انګليس وايسراى د پاکستان نظريه ورکړه، چې اوس پاکستان وغواړئ.

لکه څنګه چې د پاکستان نظريه جعلي وه، همداسې له دې نظريې سره تړلي خلک هم جعلي و، ځينې يې جعلي او ځينې يې بيا غله و. که تاسو د هغه خلکو ليسټ وګورئ، کومو خلکو چې د يو بيل هېواد (پاکستان) جوړولو غوښتنه کوله، هغه ټول هغه کسان و، چې ټول عمر يې د انګليس غلامي کړې وه او اوس هم په همدغه کار مصروفه و، له دې هر څه ښکاري، چې دا هر څه جعلي و، خو په دې سيمه د يو اور بلولو لپاره دا هر څه وکولاى شول.

محمد علي جناح (مامدالي جونا) چې پاکستانيان ورته قائد اعظم هم وايي، يو جعلي جوړ کړى کس و، چې په انګلستان کې يې ژوند کاوه او انګليس په زور راوست او دلته يې د مسلمانانو مشر کړ، حال دا چې تر مرګه پورې د هغه نه کلمه زده وه، نه يې لمونځ زده و او د خنزير غوښه يې د خوښې غوښه وه، خو اوس ورته پاکستانيان (رحمة الله عليه) وايي او دوى ته د مسلمانانو تر ټولو لوى مشر ښکاري.

جناح
محمد علي جناح (مامدالي جونا)

خو اصل کې دلته له هغه نورو جعلي کسانو تېرېږو، دلته يواځې په اقبال لاهوري خبره کوو، اقبال لاهوري چې دې خلکو ته د آسيا شاعر ښکاري او دوى فکر کوي چې ډېر لوى علامه دى. د پاکستان په يوه ګردي مېز خپرونه کې مې د يوه لاهوري خبرې اورېدې، چې هغه ويل، چې زموږ علامه (اقبال) چې کله په لومړي ځل د اور دبلى وليد، نو حېران و ورته او په همدې اړه يې بيا شعر هم ووايه، چې معنا يې څه داسې وه، چې انګليسيان اور له ځان سره په جېب کې ګرځوي. يعنې له دې فکر کېداى شي چې پنجابيان په خپله هم فکر کوي، چې اقبال هېڅ علامه وغېره نه و.

همدا راز اقبال لاهوري د انګلستان د ملکې په مرګ يوه اوږده قصيده ليکلې ده او دومره چاپلوسي يې پکې کړې ده، چې دا هېڅ نه معلومېږي چې اقبال لاهوري اوس هندى دى، مسلمان دى او که سوچه انګرېز دى.

اوس راځو دې خبرې ته، چې اقبال ته دومره لوى شاعر ويل کېږي، اصل کې د هغه ټول خيالونه هم جعلي دي، د اقبال مشهور شعرونه يا کلامونه ټول غلا شوي دي، يا هم له پښتنو شاعرانو څخه غلا شوي دي او يا هم له انګرېزانو شاعرانو څخه، که د اقبال د شاعرۍ جاج په دقيق ډول واخيستل شي، کېداى شي نور هم پکې ډېر کلامونه او شعرونه جعلي راووځي، ځکه ويل کېږي چې اقبال به په هغه وخت کې کسانو ته پېسې ورکولې، چې د نورو ژبو شعرونه ورته وژباړي.

همدا راز اقبال لاهوري د خوشحال خان خټک د (باز) ټول فکر هم پټ کړى دى او د (شاهين) په نوم يې په خپلو شعرونو کې ځاى کړى دى، خوشحال بابا خو بازونه ساتل، د بازونو ښکار يې کاوه او په دې باندې يې د (بازنامه) په نوم کتاب ليکلى و او د بازونو په ټولو خويونو خبر و، حال دا چې اقبال لاهوري يواځې د خوشحال بابا فکر راپټ کړى و.

خوشحال خان خټک
حضرت خوشحال خان خټک (رح)

دلته هغه شعرونه ستاسې مخې ته راوړم، چې نن سبا په ټولنيزو رسنيو هم ډېر زيات ښکته پورته کېږي. خوشحال بابا چې څلور سوه کاله مخکې کومه شاعري کړې، هغه علامه اقبال ډېره وروسته ليکلې ده، نو دا خو کېداى نه شي چې خوشحال بابا دې اقبال نه شعرونه پټ کړي وي، ځکه چې اقبال خو وروسته تېر شوى دى، همدا راز د رحمان بابا شعرونه يې هم غلا کړي دي.

د خوشحال سلام په هغه شاه زلمو دى

کمندونه چې د ستورو په اسمان ږدي

خوشحال خان خټک

محبت مجهے ان جوانوں سے هے

ستاروں پہ جو ڈالتے ہیں کمند

اقبال لاهوري

ځه هغه شهباز شه چې يې ځاى په سردرو وي

نه لکه د کلي کارغه ګرځه غم د نس کا

خوشحال خان خټک

نہیں ہے تیرا نشیمن قیصری سلطانی کی گنبد پر 

تو شاہین ہے بسیرا کر پہاڑوں کی چٹانوں میں

اقبال لاهوري

د کارغه لايق خو باز دى يا شاهين دى

په دا څه چې د کلاغ په سر کلاه شي

خوشحال خان خټک

برہنہ سر نو عزم بلند پیدا کریہاں

فقط سر شاہین کے واسطے ہے کلاہ

اقبال لاهوري

و اغيار ته لکه کاڼى موم و يار ته

په سختۍ او په نرمۍ کې هغه زه يم

خوشحال خان خټک

ہو حلقہ یاران تو بریشم کی طرح نرم 

روزم حق و باطل ہو تو فولاد ہے مومن

اقبال لاهوري

د شهباز او د عنقا برابر نه دى

مچ او ماشى که الوځي په وزرو

خوشحال خان خټک

پرواز ہے دونوں کا اسی فضا میں 

گرگس کا جہاں اور ہے شاہین کا جہاں اور

اقبال لاهوري

د مردۍ او نامردۍ ترمنځ ميل نه دى

تفاوت يې يا په زړه دى يا په کام

خوشحال خان خټک

الفاظ و معانی میں تفاوت نہیں لیکن 

ملا کی اذان اور مجاہد کی اذان اور

اقبال لاهوري

که کوشش کا په اخلاص زه يې ضامن يم

که کامران په خپل مراد نه شي سړى

خوشحال خان خټک

ملے گا منزل مقصود کا اسی کو سراغ 

اندھیری شب میں ہو چیتے کی آنکھ جس کا

اقبال لاهوري

يا عاشق شه يا شهيد شه چې يادېږې په بدلو په سندرو

په ښاغلو جهان ارت دى، په نامردو باندې تنګ

خوشحال خان خټک

شہادت ہے مطلوب و مقصود مومن 

نہ مال غنیمت نہ کشور کشائی

جرات ہے نمو کی تو فضا تنگ نہیں ہے 

اے مرد خدا ملک خدا تنگ نہیں ہے

اقبال لاهوري

دا سړى چې پرښته ده هم شېطان دى

که سړى د خپل عمل وته نګران شي

که جنت لره څوک بيايي که دوزخ له

بله نه وينم په منځ کې خپل اعمال دي

خوشحال خان خټک

عمل سے بنتی ہے جنت بھی جہنم بھی 

یہ خاکی اپنی فطرت میں نہ نوری ہے نہ ناری ہے

اقبال لاهوري

له بتانو اميدوار يې په خپل خداى يې نا اميده

لږ وښايه ته ماته، نوره څه ده کافري؟

خوشحال خان خټک

بتوں سے تجھ کو امیدیں، خدا سے نا امیدی

مجھے بتاؤ تو سہی، اور کافری کیا ہے؟

اقبال لاهوري

ځان ژوندى په ځمکه ښخ کړه لکه تخم

که لويي غواړې د خاورو په مقام شه

رحمان بابا

مٹاو اپنی ہستی کو اگر کچھ مرتبہ چاہیے

کہ دانہ خاک میں ملکر گل گلزار ہوتا ہے

اقبال لاهوري

يادګيرنه: شعرونه ټول له ټولنيزو رسنيو رااخيستل شوي دي، خو دا نه ده معلومه چې دا شعرونه چا راغونډ کړي دي.

علامه اقبال
اقبال لاهوري

دغه برني شعرونه تاسې وليدل، چې ټول غلا شوي دي، همدا راز د انګليسي ادب نه يې هم ډېرې غلاوې کړي دي، چې د بېلګې په ډول يې موږ (بچے کي دعا) (د ماشوم دعا يادولى شو، چې ميټيلډ ايډورډس نظم (A Child’s Prayer) کټ مټ ژباړه يې کړې ده.

که يو څوک د اقبال لاهوري شاعري په دقيق نظر وڅېړي او ورسره د خوا و شا ټولو ژبو شعرونه هم بيا يو ځل وګوري، نو زه يقين لرم چې د اقبال لاهوري په شاعرۍ کې به نورې ډېرې غلاوې هم راښکاره شي. يعنې لکه څنګه چې پاکستان يو جعلي هېواد دى، همدا راز يې مشران هم جعلي يا هم غله دي، چې له دې بېلګو يې ښه اندازه کېداى شي.

ليکوال : بريالى زمرى

………………….

ليکنې د ليکوالو خپل نظر دى. تاسو هم کولاى شئ چې موږ ته مو خپلې ليکنې او ژباړې د خپراوي لپاره راولېږئ. خپلې ليکنې او ژباړې راته په دې برېښناليک khabarialweb@gmail.com راولېږئ.