د سولې تړون: مایک پمپیو او خلیلزاد قطر ته رسېدلي دي

خبریال ډاټ کام: په قطر کې د امریکا او طالبانو ترمنځ د سولې هوکړه لیک د لاسلیک کولو په غونډه کې د ګډون پر موخه د امریکا د بهرنیو چارو وزیر مایک پمپیو هم یاد هېواد ته رسېدلی دی .

د فرانسې خبري اژانس خبر ورکړی دی چې مایک پمپیو د طالبانو سره د سولې تړون د لاسلیلک کولو پر موخه د قطر پلازمېنې دوحې ته ورسېد.

مایک پمپیو ته د دوحې په یوه هوایي ډګر کې یو شمېر چارواکي ښه راغلاست ته هم ورغلي و او تر وروستیو شېبو پورې ملتیا کړې ده.

په دوحه کې خبریالان وایي، چې مایک پمپیو د سولې تړون د لاسلیک کولو هغه ځانکړي هوټل ته هم رسېدلی دی چې یوازې نننیو مراسمو ته ځانګړی شوی دی.

مایک پمپیو د راتګ سر سم، افعانانو ته نن ورځ یوه تاریخي ورځ بللې ده چې د طالبانو سره به د تړون لاسلیک کولو وروسته افغانستان سولې ته یو قدم نور هم ورنږدې شي چې هم مهاله به ورسره بین الافغاني مذاکرات پیل شي.

د پمپیو ترڅنک د افغان سولې لپاره د امریکا خاص استازی زلمی خلیلزاد هم دوحې ته رسېدلی دی او له رسېدو سره سم یې د پاکستان د بهرنیو چارو له وزیر شاه محمود قریشي سره لیدلي دي.

خلیلزاد د ټولو افغانانو لپاره نننۍ ورځ نېکمرغه بللې ده چې د امریکا او طالبانو ترمنځ پکې هوکړه لیک یاهم د سولې تړون لاسلیک کېږي.

ټاکل شوې ده چې د امریکا او د طالبانو ترمنځ د سولې دغه تړون نن د ورځې په اوږدو کې د یو شمېر بهرنیو
هېوادونو له استازو او بهرنیو چارو وزیرانو په شتون کې لاسلیک شي چې بیا به له دې وروسته بین الافغاني مذاکرات پیل شي.

قطر نن د یوې مهمې پرېکړې کوربه دی

تر اوسه لا کره معلومات نه دي خپاره شوي چې ګواکې د سولې دغه تړون به د امریکا او طالبانو د کومو مشرانو له لوري امضا شي؟

خو یو شمېر سرچیني بیا وایي، چې ممکن د طالبانو له لوري ملا برادر او د امریکا له لوري مایک پمپیو، خو دا لا رسمآ نه ده تایید شوې، هلته خبریالان وایي، چې ممکن د زلمي خلیلزاد او بل طالب مشر له لوري یاد تړون لاسلیک کړی شي رسمآ لا څه نه دي ویل شوي.

امریکا او طالبانو د افغانستان لپاره دا ورځ یوه تاریخي ورځ بللې ده چې سولې ته به لار پرانیزي.

دغه راز افغان حکومت هم د طالبانو او امریکایانو دا ګام ستایي چې په دې ترتیب یې بین الافغاني مذاکراتو ته لار پرانیسته چې ممکن ډیر ژر به هغه هم پیل شي.

د نننیو مراسمو په ترتیت د وسله والو طالبانو ویاند ذبیح الله مجاهد هم رویټرز خبري اژانس ته ویلي دي چې دوی
نن خپلو ټولو جنګیالیو ته امر کړی دی چې د تړون د لاسلیک کولو په موخه او د افغانانو د خوښي لپاره دې له هر ډول بریدونو لاس واخلي.

امریکا: نن د افغانستان لپاره تاریخي ورځ ده

 

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More