fbpx

په کندهار کې له پوليسو سره نښته کې يو بريدګر وژل شوی

په کندهار ولايت کې له پوليسو سره نښته کې يو بريدګر وژل شوی او بل ټپي شوی دی.

د کندهار د پوليسو ویاند څارن ضيا دُرانی وایي، نن يوه بجه وسله والو موټر سایکل سپرو د کندهار د ۱۴مې حوزې اړوند په سيمانو پله سيمه کې پر ګذمه ولاړو پوليسو بريد کړی او دوه پوليس يې ټپيان کړي دي.

وروسته له هغه چې حمله کوونکي له هغه ځايه تښتېدلي، په لسمه امنیتي حوزه کې نورو پوليسو ورباندې بريد کړی چې په نتيجه کې يې يو بريدکوونکی وژل شوی او يو بل په ټپي حالت کې تښتېدلی دی.

طالب وسله والو تر اوسه په دې اړه رسنيو ته څه نه دي ویلي.