کور پاڼه / خبرونه / رونالډو بیا هم ریکارډ جوړ کړ

رونالډو بیا هم ریکارډ جوړ کړ

د ریال ماډریډ فوټبال کلپ له‌پاره لوبېدونکي مشهور پرتګالي لوبغاړي کریسټیانو رونالډو د خپل فوټبال تاریخ ۵۰ هېټرېک هم ترسره کړ او په دې سره یې د سرسخت سیال ارجنټایني لوبغاړي لیونیل میسي سره د هېټرېک ګولونو تفاوت ۶ ته وغځولو.

رونالډو دغه کارنامه د اسپانیې لالیګا په روانو سیالیو کې د خیرونا لوبډلې خلاف سیالۍ کې ثبت کړه چې په کې ریال ماډریډ ۶ د ۳ ګولونو په وړاندې خیرونا لوبډلې ته ماتې ورکړه.

د ریال ماډریډ په ګټه په ترسره شویو ۶ ګولونو کې د ۹ ځل له‌پاره ۴ ګولونه کریسټیانو رونالډو د لوبې په ۱۱مه، ۴۷مه، ۶۴مه او په ۹۱مه دقیقه کې ترسره کړل او د خپلې لوبډلې په بریا کې یې ستر رول ولوبولو.

د سترې بریا په مټ ریال ماډرېډ د روانو لالیګا سیالیو په ۲۷مې اوونۍ لوبو کې له ۴ مقام ځان د مخکې بارسلونا او دویم مقام لروونکې اټلاټیکو ماډریډ وروسته دریم مقام ته ورسولو.

په دې سره کریسټیانو رونالډو له خپل سرسخت سیال د بارسلونا کلپ له‌پاره لوبېدوونکي مشهور ارجنټایني لوبغاړي لیونیل میسي پر وړاندې دغه ریکارډ جوړ کړ او د فوټبال په تاریخ کې لومړی لوبغاړی شو چې ۵۰ ځلې په یوه لوبه کې ۳ یا له دې زیات ګولونه (هېټرېک) ترسره کوي.

د یادونې ده چې په فوټبال سیالۍ کې لیونیل میسي سږکال کوم هېټرېک نه دی ترسره کړی او په لوبه کې د درېیو یا زیاتو ګولونو ترسره کولو وروستۍ کارنامه یې د تېرکال اکتوبر په ۱۱مه نېټه د سږکال فوټبال نړیوال جام سیالیو ته د لارې موندنې په موخه د ایکواډور فوټبال ملي لوبډلې خلاف ترسره کړې وه.

پرتګالي ۳۳ کلن کریسټیانو رونالډو چې ۵ ځلې یې د نړۍ دغوره فوټبال لوبغاړې جایزې ګټلي دي، د سږکال په ترسره شویو فوټبال سیالیو کې یې د لالیګا د ۲۲ ګولونو په شمول ټولټال له نورو لوبغاړو زیات ریکارډ ۳۴ ګولونه ترسره کړي او ښه ځلېدلی دی.

د فوټبال په تاریخ کې د زیاتو هېټرېک ګولونو ریکارډ اوسمهال له برازیلي لوبغاړي پېلی سره دی چې له ۱۹۵۶ کال تر ۱۹۷۷ کال پورې یې د برازیل ملي لوبډلې او بېلابېلو کلپونو په ګټه ټولټال ریکارډ ۹۲ ګولونه ترسره کړي دي.

د اسپانیې په لالیګا سیالیو کې ۳۴ ځلې کریسټیانو رونالډو او ۲۸ ځلې بیا لیونیل میسي د هېټرېک کارنامه جوړه کړې ده خو د اسپانیې لالیګا سیالیو په تاریخ کې بیا بارسلونا کلپ ټولټال ۱۷۶ خو ریال ماډریډ بیا ۱۷۰ ځلې د هېټرېک کارنامه ثبت کړې ده.

دغه‌راز کریسټیانو رونالډو ۷ ځلې د اروپا په چمپینزلیګ فوټبال سیالیو کې ۴ ځلې د فوټبال نړیوال جام په غوراوي پړاو سیالیو کې، ۲ ځلې د اسپانیې په حذفي جام کوپا ډیل ری سیالیو کې او یو یو ځل یې د انګلستان فوټبال غوره لیګ کې د مانچسټریونایټیډ د کلپونو په نړیوال جام او اروپایي غوراوي پړاو فوټبال سیالیو کې ترسره کړی دی.

خبريال په ګوګل پلى سټور کې

اوس د خبريال ايپ په خپلو انډرويډ موبايلونو کې هم ښکته کړئ او د افغانستان او نړۍ تازه خبرونه چټک ترلاسه کړئ.
Loading...

بیا وګوره

کابل کې ۵۰ سلنه جرمونه کم شوي

چارواکي وايي په کابل کې د تېرو درېيو مياشتو په پرتله ۵۰سلنه جرمونه کم شوي …

امارات د افغانستان په اقتصادي برخه کې مرسته کوي

 متحده عربي امارات د افغانستان د بنسټيزو او لويو پروژو په برخه کې د همکاريو …