fbpx

قادر خان د ۸۱ کلونو په عمر ومړ

د بالیوود سینما نوم وتلی لوبغاړی، قادر خان د ۸۱ کلونو په عمر ومړ.
د قادر خان کورنۍ تایید کړې ده چې نوموړي د کاناډا په یوه روغتون کې ساه ورکړې ده. ښاغلي قادر خان د ساه په اخیستو کې ستونزه درلوده او له همدې کبله د کاناډا په یوه روغتون کې تر درملنې لاندې وو.
د قادر خان، زوی سرفراز خان هندي رسنیو ته ویلي دي چې پلار یې وروسته له څو میاشتې ناروغۍ مړ شو.
ښاغلي قادر خان په کابو درې سوه هندی فلمونو کې رول لوبولی وو.
قادر خان په خټه افغان و، او په کابل کې یې نړۍ ته سترګې پرانیستې وې. د قادر خان پلار د کندهار او مور یې د پاکستان د پلوچستان ایالت وه.