fbpx

اروزګان کې ۳۵ وسله وال وژل شوي

ملي دفاع وزارت اروزګان ولایت کې د افغان ځواکونو په ځمکنیو او هوايي بریدونو کې د لسګونو وسله والو طالبانو د مرګ ژوبلې خبر ورکړی .

ملي دفاع وزارت څخه په خپره شوې خبرپاڼه کې راغلي ، چې افغان ځواکونو په خاص اروزګان، دهراود او چارچینو ولسوالیو کې عملیات کړي.

په خبرپاڼه کې راغلي، چې د دغه عملیاتو په ترڅ کې ۳۵ وسله وال طالبان وژل شوي او ۱۳ نور ټپیان شوي دي.

دفاع وزارت زیاته کړې، د طالبانو درې عرادې موټر، پنځه عرادې موټر سایکلونه او یوه اندازه وسلې او مهمات هم له منځه وړل شوي دي.

طالبانو تر اوسه په دې اړه څه نه دي ویلي.

Loading...