کور پاڼه / لوبي / کابل د ډاکې کوربتوب ته چمتووالی نیسي
Afghanistan's Mohammad Nabi, right, celebrates the dismissal of Bangladesh's Shakib Al Hasan, left, during the second one-day international cricket match in Dhaka, Bangladesh, Wednesday, Sept. 28, 2016. (AP Photo/A.M. Ahad)

کابل د ډاکې کوربتوب ته چمتووالی نیسي

ټاکل شوې، افغان کرکټ ملي لوبډله په جون میاشت کې د بنګله‌دېشۍ کرکټ ملي لوبډلې کوربتوب وکړي؛ خو تراوسه د دې سیالیو کوربه هېواد په ډاګه نه‌دی.

د بنګله‌دېش (ډهاکه ټریبیون) وېبپاڼې د راپور له‌مخې، د افغان کرکټ بورډ لومړنی پلان دا و چې دا سیالۍ د عربي اماراتو په کوربتوب ترسره کړي؛ خو داسې ونه‌شول.

د راپور پر اساس، افغان کرکټ بورډ ونه‌کړای شو، د بنګله‌دېشۍ کرکټ ملي لوبډلې خلاف د ۵۰ اوریزو لوبو سیریز له‌پاره چې په جون میاشت کې پلان شوی؛ په عربي اماراتو کې کوم لوبغالي پیدا کړي.

راپور زیاتوي، دا چې افغانستان د عربي اماراتو پرته په هندوستان کې هم کورني کرکټ لوبغالي لري؛ نو تمه ده چې افغانستان په هندوستان کې د بنګله‌دېشۍ کرکټ ملي لوبډلې کوربتوب وکړي.

د ورکړل شویو معلوماتو پر بنسټ، ټاکل شوې د افغانستان او بنګله‌دېش کرکټ ملي لوبډلو ترمنځ په جون میاشت کې ۳ پنځوس اوریزې او ۲ نړیوالې شل اوریزې لوبې وشي.

ویل کېږي، که هر څه د پلان له‌مخې سم لاړ شي؛ نو د افغانستان او بنګله‌دېش کرکټ ملي لوبډلو ترمنځ به سیالۍ د جون په لومړۍ نېټه پیل شي؛ خو تر اوسه په‌دې اړه دواړو کرکټ بورډونو وروستۍ پرېکړه نه‌ده کړې.

د بنګله‌دېش کرکټ بورډ یوه چارواکي اکرم خان (ډهاکه ټریبیون) سره په مرکه کی ویلي دي چې اوسمهال په‌دې اړه د دواړو کرکټ بورډنو ترمنځ خبرې روانې دي.

افغان کرکټ بورډ تر دامهاله په رسمي ډول په‌دې اړه څه نه‌دي ویلي.

Loading...

بیا وګوره

آى پي ايل: راشد خان ډېره ښه لوبه وکړه، ٢ ويکټې يې هم واخيستې

د افغانستان مخکښ ورو توپ اچوونکي راشد خان د سنرايزرز حېدراباد او چناى سوپر کنګز …

آى پي ايل: چناى حېدراباد مات کړ او پايلوبې ته لاړ

د هند تجارتي ليګ د کواليپاى پړاو په لومړنۍ لوبه کې چناى سوپر کنګز سنرايزرز …