fbpx

د اوربند په ملاتړ د سولې ولسي حرکت هڅې دوام لري

خبریال ډاټ کام/ افغانستان کې د سولې ولسي حرکت په اروزګان ولایت کې د سولې او اوربند په ملاتړو سوله ییز لاریون ترسره کړ.

د دې حرکت غړي وایي، د سولې په اړه به یې هڅې دوام ولري او تل به له ښکیلو خواوو د اوربند غوښتنه کوي.

د غه حرکت ویاند بسم الله وطندوست وایي، ملګري یې اوسمهال په اروزګان ولایت کې دي او هلته د وروستیو ورښتونو او واورو له کبله پاتې دي.

دی وایي په دې ولایت کې یې په بیلابیلو سیمو کې له قومي مخورو، دیني علماوو، ځوانانو او سپين ږیرو سره ناستې ترسره کړي دي.

د دغه حرکت غړي چې ارزګان ولايت ته ورغلي، د وروستيو درنو اورښتونو او سېلابونو له کبله راګير پاتې دي.

وطندوست وایي، په دې ناستو کې يې له ولسونو غوښتي څو نور چوپ پاتې نه شي او د سولې په اړه خپل غږ پورته کړي.

د وطندوست په خبره دایې هم له لسونو غوښتي څو د جګړې پر ښکیلو خواوو فشار راولي څو افغان وژنه بنده او اوربند او بیا سوله وکړي.

وطندوست دغه راز زیاته کړه،چې له د اروزګان او کندهار د لارې له خلاصیدو وروسته به د دوی حرکت بیرته کندهار ولایت ته ستنیږي او هلته به د سولې او اوربند ملاتړ لاریون کوي.

دوی وایي پام کې لري،چې سپین بولدک ولسوالۍ ته هم لاړ شي او له ولسونو سره وګوري.

افغانستان کې د سولې ولسي حرکت تازه تیره میاشت د هېواد ټولو ولایتونو ته سفر پيل کړی،چې تراوسه یې فراه، نیمروز،هرات او کندهار ولایتونو ته سفرونه کړي دي.

دا په داسې حال کې ده ،چې په دې وروستیو کې د سولې په تړاو هڅې یوځل بیا تیزې شوي، خو تازه د ارګ او سپیدار ماڼۍ ترمنځ اختلافات هم رامنځته شوي او خلک یې اندیښمن کړي دي.

ارګ په اوربند ټینګار کوي خو، اجرائيه ریاست بیا د تاوتریخوالي پر کمولو ټینګار کړی.