fbpx

علي وزیر: ریاست د ډالرو په مقابل کې خلک وژني

خبریال ډاټ کام: د پښتون ژغورنې غورځنګ مخکښ مشر علي وزیر په یوه ټویټ پیغام کې ویلي دي چې پاکستانی ریاست خلک د ډالرو په مقابل کې وژني.

د پي ټي ایم دغه مخکښ مشر علي وزیر د پاکستان پوځ ته په خطاب کې ویلي دي، چې اوس واړه ماشومان هم په دې پوهېږي چې تاسو ترهګر یاست او د ډالرو په مقابل کې خلک وژنۍ.

د علي وزیر پر وینا “”په دې باید ټول وپوهیږو او ټوله دنیا هم پرې خبره ده چېرې چې ترهګري شتون لري د هغوۍ تر شاه د پاکستان پوځ پراخ ملاتړ او لاس لري .

نوموړي په خپل یوه ټویټ کې ویلي دي چې” راو انور د پولیسو له لوري په رنجر موټر کې وړل کېږي، هغه لوبه چې وسله والو طالبانو او نورو ادارو سره کېږي له ټولو څخه د پښتون نسل وژنه څرګنده شوې او څرکندیږي.”

نوموړي دا ټولې خبرې د پاکستاني طالبانو د پخواني ویاند د خوشې کېدلو په غبرګون کې کړي دي.

د وسله والو طالبانو د پخواني ویاند احسان الله احسان د ازادیدو په اړه په ټولنیزو رسنیو ډیری خلکو د اړوندو ادارو څخه سپیناوی غوښتی دی چې ولې او په کومې معاملې سره روخصت شوی، خو ریاست لا هم چوپه خوله ناست دی.

د معلوماتو له مخې د طالبانو ویاند” احسان الله احسان” د پاکستان د پوځ تر ولکې لاندې په تېښته بریالی شوی دی،خو اوس یې په یوې ویډیوي پیغام کې خبر ورکړی دی چې ګواکې د پاکستاني پوځ او د استخباراتي اداري په اړه به له ډیرو پټو رازونو څخه پرده پورته کړي.

علي وزیر د طالبانو د همدې ویاند په اړه لیکلي دي چې ولې او په کومه په تېښته بریالی شو؟

علي وزیر د پښتون ژغورنې غورځنګ د مخکښو مشر انو له ډلې څخه دی چې د (پي ټي ایم ) د راتګ سره سم تر اوسه پورې پښتون قام ته د عدالت غوښتلو په مبارزو بوخت دی چې پر مهال یې زندانونه هم تیر کړي دي.

علي وزیر تل پر پاکستاني ریاست تور پورې کوي چې ګواکې په دې هېواد کې پر پښتنو ژوند راتنګ کړی دی او د لر او بر د پښتنو په منځ کې ریاست بې اتفاقۍ راوستلو ته لاس اچولی دی.

خو د علي وزیر پر وینایوه “ورځ به د پښتنو پر زړه راښکل شوې کرغېړنه کرښه اغزن تار به د پاکستان په غاړه کې اچوم او حساب کتاب به ورسره پیلوو.”

د یادولو ده چې د منظور پښتین د نیول کېدلو وروسته د (پي ټي ایم ) ټول مشرانو د پاکستاني ریاست پر ضد راپاڅېدلي دي او د خپلو حقونو د غوښتلو ترڅنګ یې د نا انصافۍ په په اړه احتجاجونه پیل کړي دي.

WP Twitter Auto Publish Powered By : XYZScripts.com