نامالومو وسله والو؛ د ترهګري ضد شپږ پاکستاني پولیس ووژل
خبریال وېبپاڼه: پاکستاني رسنیو خبر ورکړی، چې د دغه هېواد د ترهګرۍ ضد شپږ پولیس د نامعلومه وسله والو سره په نښته کې وژل شوي او دوه تنه نور ټپیان دي.
ډان د پاکستاني پولیسو د چارواکو له خولې خبر ورکړی، چې دغه نښته د بلوچستان ایالت په (مولاداد) سیمه کې د ترهګرۍ ضد پولیسو او د (میتوشاه) ډلې ترمنځ شوې ده.
د خپرو شويو معلوماتو له مخې، نښته د ميتوشاه ډلې د غړو لخوا تر هغې وروسته پيل شوه، کله چې پوليس د يوه سوداګر د تښتول شوي زوى، د خلاصون لپاره د بلوچستان مولاداد سيمې ته ورغلل.
د سیمه ییزو پولیسو یوه چارواکي (منیراحمد شیخ) ویلي دي: «د پولیسو او وسله والو ترمنځ څو ساعته پر يو بل ډزې روانې وې.»
له دغې خونړۍ جګړې وروسته، د پاکستان پولیسو په دې تښتونه کې د میتوشاه ډله ښکېله بللې او د تښتوونکو د دغې ډلې د نیولو یا له منځه وړلو لپاره یې پراخ عملیات پیل کړي دي.
پوليس وايي، عمليات به دغې موخې ته تر رسېدو پورې دوام ولري.
ویل کیږي، چې د بلوچستان د مولاداد په سیمه کې د ميتوشا ډله خطرناکه بلل شوې ده.
Comments are closed.