تېرو نهو میاشتو کې پر ښځو د تاوتریخوالي ٣٠٠٠ قضیې ثبت شوي

خبریال وېب پاڼه/ لویه څارنوالۍ وایي تېرو نهه میاشتو کې په افغانستان کې پر ښځو د تاوتریخوالي ٣٠٠٠ قضیې په عدلي او قضاسي ارګانونو کې ثبت شوي دي.

همدا راز په نهه میاشتو کې پر ١٧٣ افغان مېرمنو جنسي تیري شوي دي.

لویه څارنوالۍ وایي د تاوتریخوالي او په ځانګړې توګه پر ښځو د جنسي تیري ډېر قضیې په پلازمېنه کابل، هرات او بلخ ولایتونو کې ثبت شوي دي.

د لمریز کال له پیل سره سم تر دې دمه په افغانستان کې کې هره ورځ یوه مېرمن د جنسي تیري قرباني ده.

لویه څارنوالۍ همدا راز وایي، په کاپیسا ولایت کې له یوې مېرمنې سره د یو سراېري له لوري د جنسي تیري قضیې ته رسېدنه شوې ده، یاد سرتېري پر یوې څلور کلنې ماشومې جنسي تېری کړی وو چې د محکمې له لوري په شل کاله بند محکوم شو.

افغانستان د تاوتریخوالي له پلوه د ماشومانو او ښځو لپاره د نړۍ په کچه تر ټولو بد ځای دی.

د کرونا ویروس د خپرېدو او ترې د مخنیوي لپاره د قرنطین په موده کې د ښةو پر وړاندې د تاوتریخوالي قضیې ډېرې شوې وې، چې له دې یې کم شمېر د ښځو مدافع او حقوقي بنسټونو او عدلي او قضایي ارګانونو سره شریکې شوې وې.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More