د پاکستان د سنا مجلس وايي، پاکستان کې د طالبانو حضور بې ګټې دی

خبریال وېبپاڼه/ د پاکستان د سنا مجلس ددفاعي کمېټې مشر جنرال عبدالقیوم وايي، چې په پاکستان کې د طالبانو حضور نه یوازې د پاکستان بلکې د هیچا په ګټه نه دی.

سره له دې چې پاکستان د طالبانو مرکز دی، هلته یې جایدادونه، شتمنۍ، اولادونه او نور کار و بار دی، مګر د جنرال عبدالقیوم وايي چې داسې راپورونه شته چې طالب وسله وال په پاکستان کې دي.

 نوموړی وایي پاکستانی حکومت په افغانستان کې د سولې له پروسې سره همکاري کوي خو پکار ده چې دغه همکاري په افغانستان کې ددایمي سولې او ثبات د راتګ سبب شي.

هغه همدا راز ویلي چې د مذاکراتو په دې پړاو کې ښایي طالبان د راتلونکي حکومت د جوړښت پر بڼه ډېر ټینګار وکړي، خو اوربند هم خورا مهم دی.

هغه تمه ښوودلې چې د سولې روانه پروسه کې طالبان او افغان حکومت دواړه د خپل ولس لومړیتوب ته ارزښت ورکړي او په دغه هېواد کې اوږدې جګړې پای ته ورسوي.

پاکستان کې د طالبانو د شتون په اړه د پاکستان د سنا مجلس دا ډول څرګندونې دوه خبرې له ځانه سره لري.

یا خو پاکستان نور له طالبانو په تنګ راغلی او د طالب په نوم د افغانستان ورانونې پروژه په ختمېدو ده او یا پاکستان هڅه کوي چې په یو ډول د طالب له بادارۍ ځان خلاص کړي.

کنه په دې خبره، چې پاکستان د طالبانو دویم کور دی، شک کول له حق سره ظلم دی او په یوه روښانه حقیقت سترګې پټول دي.

بل خوا قطر کې بیا د سولې ډرامه شروع شوې ده، لا معلومه نه ده چې څه پایله به ولري.

cpluskey.com

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More