کابل کې د امریکا د سفیر او نورو لوړو پوړو چارواکو د ترور طراح ونیول شو

خبریال وېبپاڼه/ ملي امنیت وایي، تیره شپه یې د ننګرهار ولایت کامی ولسوالۍ کې د داعش پر ضد ځانګړي شپني عملیات ترسره کړي چې په پایله کې یې د دغې ډلې د هدفي وژنو مهم غړی او طراح نیول شوی دی.
د ملي امنیت لخوا رسنیو ته په لېږل شوې خبرپاڼه کې راغلي، چې نیول شوی کس عبد الواحد نومېږي اړ د دري نورو شکمنو کسانو سره یو ځای نیول شوی دی.
خبرپاڼه زیاتوي، چې د داعش ډلې د هدفي وژنو غړي او طراح عبد الواحد پلان درلوده چې د خپلو نورو ملګرو په همکارۍ په افغانستان کې د امریکا متحده ایالتونو سفیر او افغان لوړ پوړي چارواکې په نښه او ترور کړي چې په نیول کیدو سره یې ترهګریز اهداف شنډ شول.
خبرپاڼه زیاتوي، چې د نیول شویو کسانو څخه یوه بریټا تفنګچه، یو میل کلاشینکوف او یو چره ییز هم د ځانګړو ځواکونو لاسته ورغلي چې په سیمه کې له منځه وړل شوي دي.
سرچينه وړاندې کاږي، چې د نیول شوي داعشي د کورنۍ څخه دوه تنه نور هم د داعش ډلې د رهبرۍ غړي ول چې په تیر کې د یو هوایي برید له کبله وژل شوي دي.
تر اوسه داعش ډلې په دې اړه څه نه دي ویلي.
په ننګرهار کې کې لا هم داعش ډله پراخ فعالیتونه لري او د مسوولینو په خبره، په هېواد كې د داعش سترې ترهګریزې حملې هم په ننګرهار کې پلان کېږي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More