کابل کې به ٢٢ ازمایښتي لابراتوارونه جوړ شي

خبریال وېب پاڼه/ تر دوو راتلونکو ورځو کې به په کابل ښار کې ۲۲ ازمویښت لابراتوارونه جوړ شي.

د عامې روغتیا وزیر فېروز الدین فېروز وايي چې د دې احتمالي ناوړین د کنټرول او مبارزې لپاره، به دوی په دوه ورځو کې په کابل ښار کې د کووید نولس ناروغۍ ۲۲ نور لابراتوارونه جوړ کړي.

په ورته وخت د مخابراتو او معلوماتي ټیکنالوژۍ وزارت د کووید نولس ناروغۍ د پېښو ثبتولو د عامې روغتیا وزارت لپاره ځانګړی اپلیکشن چمتو کړی.

د روغتیا وزارت په هېواد کې د احتمالي ناورین څخه خبر داری ورکوي.

د عامې روغتیا وزیر فیروز الدین فېروز وايي چې په هېواد کې په کرونا ویروس د اخته کسانو شمېر به په راتلونکو څو اونیو کې ډیر لوړ شي.

د افغان حکومت چارواکي له خلکو څخه غواړي ترڅو د دې پدیدې سره د مبارزې لپاره خپل مورال له لاسه ورنه کړي او د روغتیا پالانو لارښوونو ته جدي پاملرنه وکړي.

د عامې روغتیا وزارت په پام کې لري چې د کرونا ویروس د پېښو سره د مبارزې لپاره په کابل کې د کووید نولس ۲۲ ځانګړي لابراتوارونه په دوو ورځو کې جوړ کړي.

داسې ښکاري په کابل کې پر کرونا ویروس باندې د اخته کسانو شمېر کې زیاتوالی د دولت لپاره په پلازمینې کې د نورو لابراتوارونو رامنځته کولو اصلي لامل دی.

د مخابراتو او معلوماتي ټکنالوژۍ وزارت وایي د کرونا نوی رامنځته شوی اپلېکېشن ګرځنده تلیفونونو او کمپیوټرونو کې کارول کیدای شي او د ولایتونو او ولسوالیو پراساس به د کرونا ویروس وروستۍ پېښو ته پوښښ ورکوي.

له دې ور ها خوا بیا تېره ورځ د هرات مدني فعالان وویل له تېرو دوو ورځو راهېسي په هرات ولايت کې د شکمنو کسانو هيڅ تشخيص نه دی شوی.

د هرات مدني فعالانو په دې ولايت کې د کرونا ويروس د تشخيص لابراتوار بندېدلو له امله اندېښنه ښودلي ده.

دوی ويلي چې له تېرو دوو ورځو راهېسي د شکمنو کسان ه څ تشخيص نه دی شوی او په وينا يې لامل يې د تشخيص په دې لابراتوار کې د يو شمېر امکاناتو نشتوالی دی.

عيني وخت کې د هرات د عامې روغتيا رياست مسولينو ويلي وو چې موږ تمه لرو چې تر نن ماښامه دې مرکز ته اړين وسايل راورسېږي او د کرونا ويروس د تشخيص لپاره دا ځانګړی شوی مرکز په کار پيل وکړي.

بل خوا بیا د ننګرهار ولايت تورخم ښارګوټي له لارې په تېرو څلورو ورځو کې شاوخوا څلويښت زره مسافرین د کوزې پښتونخوا او پاکستان څخه ننګرهار ته را ستانه شوي دي.

له ياد شمېر څخه د ۳۳ زره کسانو روغتيايي سکرينېنګ او امنيتي پلټنه شوې؛ خو شاوخوا اووه زره کسان د بې نظمۍ له امله له سکرينېنګ پاتې شوي او همدا راز راغلو کسانو کې د کرونا ويروس کومه شکمنه پېښه نه ده ثبت شوې.

ټاکل شوې د جمعې په ورځ به د ځانګړي طرزالعمل له مخې د تورخم دروازه د ترانیزیټ پرمخ پرانیستل شي، چې لس زره د خوراکي توکو بار ولاړ موټرونه به له کوزې پښتونخوا څخه ننګرهار ته داخل شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More