امریکا د افغان جګړې ختم ته کوم وړاندیزونه لري؟
خبریال ویبپاڼه/ دې هېل خپرونې د امریکا له لوري پرجګړه د نه تمرکز او نورو بیلو انتخابونو په هکله په خپل یوه مطلب کې د جګړې ختم تر ډیره افغانانو ته راجع کړی او ویلي يې دي چې هرڅه د افغانانو په لاس کې دي.
د بایډن ادارې ټینګار هم پردې دی چې د سیاسي لارې څخه د افغانستان جګړه پای و مومي ځکه هغوی پر دې ټینګار کړی چې نور د افغانستان جګړه پای ته رسوي.
دې خپرونې د وروستۍ طرحې په اشاره ویلي که څه دا د امریکا رسمی دریځ نه دی او نه يې هم تحمیلولی سي، خو بیاهم دا طرحه وړاندې سوې، او د دې ترڅنګ افغانانو ته یو شمېر نور وړاندیزونه هم ورکول سوي چې یو وړاندیز یې همدا طرحه ده.
مالومات ښيې چې د امریکا د بهرنیو چارو وزارت ویلي د افغانانو خپل کار دی چې د هېواد د راتلوونکي په اړه خپله پریکړه وکړي، د دوی له انده په افغانستان کې روانه جګړه خطرناکه بلل سوې او د ژر دریدلو غوښتنه یې سوې.
د سرچینو په حواله په نوې طرحه کې د یوه ټولشموله دولت یادونه سوې او د جګړې د پای ته رسولو خبره پکي سوې ترڅو په افغانستان کې روانه جګړه پای ته ورسیږي.
د افغان دولت دریځ
افغان ولسمشر په خپلو تازه څرګندونو کې دا طرحه یوازي یو قاغذ بللی او د هېواد اصلي وثیقه يې اساسي قانون بللی هغه زیاته کړې چې په افغانستان کې واک د جمهوریت په چوکاټ کې یوازي د ټاکنو له لارو سپارل کیږي او هغه انتخاب چې امریکا د جګړې د ختم لپاره وړاندیز کړی غني رد کړی.
د افغانستان ولسمشر تردې وړاندې هم بغیر له ټاکنو د واک پر سپارلو رد کړی او ویلي یې دي چې دی د افغانانو له لوري ټاکل سوی او واک به یوازي منتخب ولسمشر ته سپاري.
په افغانستان کې د سولې لپاره هڅه په داسې حال کې ترسره کیږي چې نژدې هره ورځ هدفي وژنې او چاودنې د عامو افغانانو ژوند ګواښي او د دې نا امنیو د لړیو په کابو کولو کې دولت پاتي راغلی عام افغانان لاهم د جګړې له زیاتیدلو ویره لري او د افغان جګړې د ژر ترژره ختمولو غوښتنه کوي.
Comments are closed, but trackbacks and pingbacks are open.