fbpx

اشرف غني او عبداالله د بدخشان کې پر پېښې خواشیني ښودلې

ولسمشر غني او اجراییه رییس عبدالله عبدالله د بدخشان ولایت په کوهستان ولسوالي کې د سرو زرو د یو کان ښویېدو پېښه کې چې له امله یې ۳۰ کسان مړه او ۱۵ نور ټپیان شوي دي خپله ژوره خواشیني څرګنده کړې ده.
 له ارګه د خپرې شوې خبرپاڼې له مخې ولسمشر اړونده ارګانونو ته لارښونه کړې چې د یادې پېښې قربانیانو او ټپیانو ته دې بېړنۍ رسېدګي وکړي او هغه کسان چې بند پاتې دي د ژغورنې لپاره دې یې عاجل اقدامات وکړي.
 د خبرپاڼې په حواله ولسمشر دغه راز اړوند ارګانونو ته امر کړی چې په راتلونکې کې د ورته پېښو د مخنیوي لپاره هم لازم اقدامات وکړي.
په ورته وخت کې اجراییه رییس عبدالله عبدالله د بدخشان ولایت له سیمه ییزو چارواکو سره د ټلفوني خبرو پر مهال په یاد ولایت کې د سرو زرو کان ښوویدو پېښې قربانیانو ته چې له امله یې ۳۰ کسان وژل شوي او ۱۵ نور ټپیان دي د ژر تر ژره رسېدګي غوښتنه کړې ده. نوموړي د ژورې خواشیني په څرګندولو سره د یادې پېښې د جدي څېړنې غوښتنه هم کړې ده.
هغه سیمه ییزو چارواکو سره د ټلفوني خبرو له لارې هغوی ته امر کړی چې د پېښې د قربانیانو او ټپیانو له کورنیو سره دې بېړنۍ مرستې هم وکړي.
په یاده  پېښه کې ۳۰ کسان وژل شوي او ۱۵ نور ټپیان دي.