چین د افغانستان په هکله خپله مهمه پرېکړه اعلان کړه

خبريال وېبپاڼه: په داسې حال کې چې د افغانستان د تاريخ يوه بله مهمه صفحه په بندېدو ده او د افغانستان څخه امریکايي ځواکونو وزي د ډېری کسانو سره دا پوښتنه او اندېښنه وه چې هسې نه د امریکا د وتلو وروسته چين خپل پوځیان افغانستان ته راولېږي.

افغانستان په تاريخ کې د برتانيا، روسيې او امريکا يرغل تجربه کړی دی، دا ځل داسې اندېښنو شتون درلود چې اوس به چين په افغانستان کې خپل قسمت ازمايي.

خو د ملګرو ملتونو له لوري د افغانستان په اړوند جوړه شوې غونډه کې ددې هېواد استازي دای بينګ دغه اندېښنو ته د پای ټکی کېښوده او ويې ويل چې په افغانستان کې د هېڅ هېواد نظامي ښکېلاک دغه هېواد ته ارامی نشي راوړی.

په دې ډول چين دا په څرګنده بيان کړه چې دغه هېواد په افغانستان کې د هیڅ ډول نظامي مداخلې پلان نلري، تر دې وړاندې هم د چین د بهرنیو چارو وزیر د طالبانو سره پخپله لیدنه کې ویلي و چې د افغانستان خپلواکۍ ته بشپړ درناوی لري.

ښاغلي دای وړاندې پخپلو خبرو کې وويل چې نړیواله ټولنه باید مرسته وکړي ترڅو په افغانستان کې د کورني تاوتريخوالي د زياتېدو مخنيوی وشي، ده زياته کړه چې د افغانستان څخه د بهرنیو چارو ځواکونو د وتلو سره بايد د افغان حکومت د مشرانو سره مشوره وشي ترڅو دا پروسه په ارام ډول سره ترسره شي.

د چین استازي پخپله وینا کې وویل چې د نړۍ هېوادونه بايد د سیمې له هېوادونو سره پخپلو معاملو شفاف وي، ده زياته کړه چې نړیوال ځواکونه بايد د افغانستان څخه د وتلو وروسته په دې هېواد د ستونزو د پرېښودو څخه ډډه وکړي.

نوموړي په افغانستان کې د هغه دولت د جوړېدو مخالفت وکړ چې په زور باندې په خلکو تحميل شوی وي، ده وويل چې چين د زور له لارې د رامنځته کېدونکي حکومت پلوي نکوي، دای وړاندې زياته کړه چې امریکا باید په افغانستان کې په خپلو ژمنو باندې عمل وکړي.

د چین استازي هيله مندي وښوده چې افغان حکومت او طالبان به د خبرو له لارې ژر د سولې يوه لاره را وباسي او په افغانستان کې به موجود مشکل د خبرو له لارې حل شي، ده وويل؛ موژ ددې منتظر او ليوال يو چې افغانستان يو ځل بيا تولد شي او يوی پراخ سياسي جوړښت رامنځته شي چې د يو معتدل اسلامي دريځ ولري او د خپلو ګاونډيو هېوادونو سره ښې دوستانه اړیکې ولري.

buy project professional 2016

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More