هندۍ پيغله د ښکلا نړیواله ملکه شوه
خبریال وېب پاڼه: هندۍ پېغله هرناز سندوني د ښکلا نړیواله ملکه ونومول شوه.
سندوني هندۍ موډله ده.
هغې سږکال د نړۍ د د ۸۰ ښایسته پیغلو په سیالیو کې لومړی مقام خپل کړی اوپه یادو مراسمو کې ورته د ښکلا ملکې تاج ور پر سر شو.
د ښکلا ملکې په نوم دا مراسم، چې د اسرائیلو په ایلات ښار کې جوړ شوي و پکې سندوني د نړۍ د۸۰ هېوادونو ښایسته پېِغلو ته په ماتې ور کولو سره دا ویاړ وګاټه.
له دې وړاندې د مېکسیکو پېغله اندریا میزا د (مس یونیورس ۲۰۲۱) کال د ښکلا جایزه وګټله او تاج يې په سر کړ.
نوموړې۲۶ کلنه وه، چې د ښکلا جایزې تاج يې پر سر کړ.
د ښکلا د جایزې (مس یونیورس) پروګرام په امریکا کې ترسره شوی وو، چې اندریا میزا پکې د نړۍ د ۷۰ هېوادونو ښایسته پېغلو ته ماتې ورکړه او د ښکلا جایزه يې ترلاسه کړه.
دغه راز په تېر ۲۰۱۹ کال کې په نړيواله کچه د ښکلا د څلور لويو مسابقو په يوه کې په لومړي ځل د تايلنډ یوې پېغلې د (مس انټرنېشنل) يا د نړيوالې ښکلا مقام ترلاسه کړی وو.
د (مس انټرنېشنل) مسابقه د ښکلا په اړه د نړۍ د څلورو لويو مسابقو څخه يوه ده.
دا مسابقه د (مس ورلډ)، (مس يونيورس) او (مس ارت) نه وروسته په نړۍ کې د ښکلا ستره مسابقه ده، چې له ٨٠ زياتو هېوادونو پېغلې پکې ګډون کوي.
له هغه وړاندې بیا په ۲۰۱۷ کال کې د ښكلا په نړيواله سيالۍ كې، چې د جاپان په پلازمېنه توكيو كې ترسره شوه د يو مسلمان هېواد پېغلې لومړى مقام وګاټه.
په دې لوبه کې د اندونېزيا هېوادوالې كېوين ليليانا لومړى مقام خپل کړی وو.
۲۱ كلنې ليليانا ته د ملكې تاج د ۲۰۱۶م كال د نړۍ د تر ټولو ښكلې پېغلې كيلي وېرزوسا لخوا ور په سر شوی وو.
