درنې واورې د سالنګونو لویه لار هم وتړله

خبریال وېب پاڼه: د سالنګونو د ساتنې مسوولان وایي، چې د زیاتې او درنې واورې ورېدو له امله د سالنګونو لویه لار د هر ډول موټرو د تګ راتګ پرمخ وتړل شوه.

د سرچینې په خبره په سالنګ کې دوه ځایه برف کوچونه هم راغلي دي، خو چاته پکې زیان نه‌ دی اوښتی.

د سالنګونو د ساتنې رئيس عبدالله عبید وایي، د هغو کسانو لپاره، چې په واورو کې ایسار شوي د ژغورنې عملیات روان دي.

د هغه په خبره تر اوسه چا ته زیان نه دی اوښتی.

تر دې وړاندې د هوا پېژندنې ادارې خبر ورکړی و، چې په راتلونکو څو ورځو کې به په ګڼو ولایتونو کې ورښتونه او واورې وشي.

د یادونې ده چې تېره ورځ سه شنبه د کابل ـ بامیان او غور لویې لارې هم د زیاتې واورې ورېدو له کبله تړل شوې شوې.

د یادو لارو د تړل کېدو له له د ګڼو ولایتونو اړیکې له مرکز کابل سره قطع شوې.

مسوولان زیاتوي، چې دوی هڅه کوي ژر دا لاره پاکه او د تګ راتګ لپاره چمتو کړي.

د وروستیو معلوماتو پر اساس تر دې دمه له یو متر څخه ډېره واوره په سالنګونو کې ورېدلې ده او لاهم دوام لري.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro