طالبانو ته د تاوتریخوالي کمولو مهلت نن پای ته رسېږي

خبریال ډاټ کام/له امریکا سره د سولې هوکړه لیک لاسلیک کولو لپاره  د طالب اورپکو لخوا د یوې اونۍ اور کم پر مهال دولت طالبانو ته د تاوتریخوالي د تدریجي کمولو او غځېدو مهلت ورکړی ؤ او زیاته کړې یې وه که تاوتریخوالی و نه دروي، د افغان ځواکونو له سخت غبرګون سره به مخ شي. نن جمعه طالبانو ته ورکړل شوی مهلت پای ته رسېږي.

د کورنیو چارو وزارت مرستیالې ویاندې آغلې مروه امیني رسنیو ته ویلي دي چې تر دې مهاله افغان امنیتي ځواکونه په دفاعي حالت کې وو او که چېرته طالبان د تاوتریخوالي ګراف ټیټ نه کړي او د ملکيانو په ګډون دولتي ځواکونو ته مرګ ژوبله واړوي، امنیتي او دفاعي ځواکونه به یې په خپل ټول ځواک د ځپلو لپاره یرغلیز عملیات پیل کړي. آغلې مروه امیني زیاتوي چې افغان امنیتي او دفاعي ځواکونه د طالبانو او نورو ترهګرو ډلو د ځپلو لپاره پوره چمتووالی لري او یوازې د امر په تمه دي.

د کورنیو چارو وزارت په داسې حال کې بېرته پر طالبانو د عملیاتو د پیلولو خبر ورکوي چې د اورکم له اونۍ یوازې یوه ورځ وروسته طالب اورپکو د هېواد په یو شمېر جنوبي او مرکزي ولایتونو کې پر امنیتي ځواکونو بریدونه وکړل او د دوی په ګډون ځینو امنیتي سرتېرو ته هم مرګ ژوبله واوښته.

په ورته وخت کې د ملي امنیت شورا ستر سلاکار حمدالله محب هم د ملګرو ملتونو د عمومي منشي له ځانګړي استازي تادامچي یاماموتو سره په لیدنه کې ټینګار کړی چې که طالبان تاوتریخوالی و نه دروي، افغان ځواکونه به ورباندې یرغلیز عملیات پیل کړي. له یاماموتو سره په یاده شوې لیدنه کې د افغان سولې، له طالب اورپکو سره د تاوتریخوالي پر کمېدو او ځینو نورو موضوعاتو خبرې شوې دي.

د امریکايي پوځ د مرکزي قرارګاه عمومي قومندان جنرال کېنت مک کنزي هم پر طالب وسلوالو غږ کړی چې په خپلو بریدونو کې کمی راولي. نوموړي دغه وینا پرون پنجشنبه د سنا مجلس ته په یوه استماعیه غونډه کې وکړه او زیاته یې کړه چې سولې ته د رسېدو په لړ کې باید طالبان په تاوتریخوالي کې د پام وړ کمی راولي.

عام افغانان او د نظر خاوندان د طالبانو لخوا روان تاوتریخوالی کورنۍ جګړه او د پاکستان د څارګرې ادارې (ISI) لاسپوڅي ګڼي او دا د افغانانو پر وړاندې یو نه بښونکی عمل بولي.

طالبانو تر دې مهاله د افغان حکومت او امریکایي نظامي چارواکي په غبرګون څه نه دي ویلي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

escort maltepe escort pendik escort mersin porno izle porno seks hikayeleri mersin escort bayan escort bodrum