باجوه: د اغزن تار لګولو برنامې ستره برخه پلي شوې

خبریال وېب پاڼه/ د پاکستان د پوځ لوی درستیز قمر جاوېد باجوه وزیرستان ته تللی او هلته یې د افغانستان سره پر پوله د اغزن تار د غځولو له لړۍ کتنه کړې.

باجوه خپلو پوځیانو ته په ټینګار ویلي، چې د اغزن تار د غځولو کارونه دې ژر چټک او بشپړ کړي.

نوموړي له خپلو پوځیانو سره لیدلي او د دوی له مرکزونو او تأسیساتو یې لیدنه کړې، باجوه وایي، پر ډیورنډ کرښه به امنیتي او پوځي اقدامات لا چټک کړي، د اغزن تار لګولو برنامه به هم ژر بشپړه کړي او د دې سترې برنامې ډېره لویه برخه پلې شوې هم ده.

د پاکستان لوی درستیز قمر جاوېد باجوه وایي، موږ سولې ته ژمن یوو او په ډیورنډ کرښه د ترهګرۍ د محنیوي او امنیت لپاره اقدامات نور هم چټک کړي.

باجوه زیاتوي، چې هېواد یې افغانستان او سیمه کې د امنیت او ثبات ټینګېدو ته ژمن دی او دې برخه کې یې غوره رول لوبولی دی. د افغانستان سوله او امنیت د پاکستان هم په ګټه دی او بوازې د سبمې د امنیت لپاره ده بلکې د ترهګرو پر وړاندې به مبارزې ته هم دوام ورکوو.

د پاکستان لوی درستیز دا خبره داسې مهال کوي، چې د ډیورنډ کرښې دواړو غاړو ته پراته ولسونه د ډیورنډ فرضي کرښه نه مني او د ړنګېدلو خوبونه یې ویني، خو د پاکستان حکومت بیا پر دې کرښې د رسمي سرحد په توګه اغزن تار لګوي او پوځي تاسیسات جوړوي.

پاکستان دې وروستیو کې په ډیورنډ کرښې اغزن سیم تېر کړی او ډیورنډ فرضي کرښې ته څېرمه یې د افغانستان په پرتو سیمو اغزن تار لګولی او په ځانګړې توګه په کونړ ولایت کې بیخي وړاندې راغلي چې د یوې ولسوالۍ په زړه کې یې اغزن تېر کړی او ان د کونړ سیند پر نیمې غاړې یې هم اغزن تار لګولی دی.

د پاکستان پوځ ورځ تر بلې نور هم له ډیورنډ فرضي کرښې را دې خوا پر افغان خاوره وړاندې را ځي، خو د پاکستان د دې بزدلانه کار پر وړاندې لا هم افغان حکومت غلی دی او پر وړاندې یې تر اوسه هېڅ کوم عملي اقدامات یې نه دي