زه به د اداکار شاه رخ خان بنگله ‘منت’ غلا کړم، انوشکا شرما
د بالیوډ وتلې اداکارې انوشکا شرما دا منلې چې که چانس ورته ورسیږي ، نو هغه به د اداکار شاه رخ خان څخه خپله بنگله ‘منت’ غلا کړي.
د اداکارې انوشکا شرما او د هندي فلمي صنعت د کنگ خان اداکار شاه رخ خان تر منځ ښې اړیکې شتون لري ، چې دواړو په یو شمیر فلمونو کې یوځای کار کړی.
انوشکا شرما څخه په یوه برنامه کې وپوښتل شول چې که فرصت ورته ورکړل شي نو له شاه رخ خان څخه څه غواړي. اداکارې ځواب ورکړ چې دلته ډیری داسې شیان شتون لري مګر لومړی به زه د شاه رخ خان ټولې ګړیانې غلا کړم او و به یې پلورم.
انوشکا شرما څخه نور هم پوښتل شوي وه چې هغه څه چې وروسته غواړي غلا کړي. انوشکا شرما وویل ، “څرګنده ده ، زه به د هغه بنګله “منت” غلا کړم. د کوربه په ګډون ، اوریدونکو د انوشکا شرما په ځواب کې له زړه خندلي ول.”
کله چې د شاه رخ خان د شخصیت په اړه وپوښتل شول ، اداکارې وویل “ما د شاه رخ خان او د هغه د ژوند له تجربو څخه ډیر څه زده کړل او زه خوښه یم چې له هغه سره خبرې وکړم.”
باید یادونه وشي چې سږ کال انوشکا شرما او د هغې میړه ویرات کوهلي ، چې د هندوستان د کریکټ ملي لوبډلې کپتان دی، د وامیکا په نوم یوې لور ته زیږون ورکړی دی.
