راشد خان د انلاین کنفرانس پرمهال تازه څرګندونې وکړې
خبریال ویبپاڼه – د لاهور قلندرز لوبډلې سره لوبېدونکي افغان لوبغاړي راشدخان د انلاین پریس کنفرانس پرمهال تازه څرګندونې وکړې
د افغان لوبډلې لوبغاړی راشد خان چې د پاکستان سوپر لیګ کې د «لاهور قلندرز» لوبډلې برخه ده وویل چې موږ د پاکستان سوپر لیک پایلویې ګټلو په اړه فکر نه کوو، مګر موږ د هرې راتلونکي سیالۍ په اړه فکر کوو چې څنګه سیاله لوبډله له ماتې سره مخ کړو.
راشدخان وویل چې زه به هڅه وکړم ترڅو د هرې لوبډلې خلاف ښه لوبه ترسره کړم، نوموړي وویل چې هڅه دا ده چې هر څه ساده ترسره کړي، هغه زیاته کړه” سیالۍ ممکن د خلکو لپاره مختلف اهمیت ولري، مګر زموږ لپاره دا مهمه ده چې په هره سیالۍ کې ښه فرفامنس وکړو او سیالي وګټو.
د آنلاین پریس کنفرانس په ترڅ کې هغه وویل چې هغه دمخه د لاهور قلندرز سره ښه وخت درلود، نوموړي د دوه اونیو په ترڅ دوه سیالۍ ترسره کړې، نوموړي وویل چې په دوه اونۍ تېرولو سره داسې فکر کوي چې دوه کاله یې د یادې لوبډلې سرع تېر کړي دي.
راشدخان زیاته کړه چې د لاهور قلندرز سره په لوبېدو یې د انګلستان کاونټي سیالیو کې سسیکس لوبډلې سره تړون درلود، نوموړي وویل چې د لاهور قلندرز سره په لوبېدو خوښ دی ځکه یې د انګلستان په ځای پاکستان سوپر لیګ ته لومړیتوب ورکړ.
باید یادونه وکړو پاکستان سوپر لیګ د روان کال په پیل کې پیل شو چې د کرونا وایروس له امله د ځنډ سره مخ شو، د دغه لیګ پاتې «۲۰» به اوس د پاکستان پرځای ابوظبي کې ترسره شي چې ټاکل شوې ده د روانې جون په ۹ مه نېټه د لاهور قلندرز او اسلام اباد یونایډیټ ترمنځ په سیالۍ سره پیل شي.
