خلیلزاد پاکستان ته ځي خو د څه لپاره؟

خبریال ویبپاڼه/ د افغان سولې لپاره د امریکا ځانګړي استازي یوځل بیا سیمه ییز سفرونه پیل کړي او هغه اوس تازه یوځل بیا پاکستان ته ځي ترڅو هلته د پاکستاني چارواکو سره وګوري.

داسې ویل کیږي چې خلیلزاد به له دوحې وروسته راسا د پاکستان پر طرف ولاړ سي او هلته به د پاکستاني چارواکو سره د لیدنې پر مهال د افغان سولې په هکله وږغیږي.

زلمی خلیلزاد وړاندې له دې چې پاکستان ته ولاړ سي په کابل کې د افغان دولت چارواکو سیاسونو او دوحه کې له افغان مذاکراتي پلاوي او طالبانو سره لیدلي، هغه په خپل دې سفر کې د مذاکراتو لپاره یوه نوې طرحه هم راوړې وه چې له طالبانو، او افغان سیاسونو سره شریکه کړې وه.

تراوسه پوري که څه هم  د خلیلزاد دا سفرونه د سولې لپاره مهم  نه وو، تمام سوي خو د خلیلزاد دا سفر مهم بلل سوی او امریکا ویلي چې د نوموړي دا سفر به د جګړې د ختم لپاره یوه لاره پیدا کړي.

د خلیلزاد سفرونه.

که څه د سولې د خبرو په پیل سره خلیلزاد دا وخت ټول په سفرونو تیر کړ خو هیڅ نتیجه يې نه ده ورکړې په اونیز ډول سره د خلیلزاد د سفرونو یو راپور حتمي وي خو تراوسه پوري د نوموړي دا سفرونه هیڅ پایله نلري، د خلیلزاد دا سفر د نورو سفرونو په پرتله ځکه ځانګړی دی چې نوموړي دا ځل د جګړې ختم او مذاکراتو بریا لپاره یوه طرحه هم له ځان سره لرله او هغه له طالبانو او افغان لوري سره شریکه کړې هم ده.

د طرحې په هکله غبرګون

تیره ورځ افغان ولسمشرمحمد اشرف غني د دې نوې طرحې په هکله وویل چې دا یوازي یو قاغذ کیدلای سي او داسې قاغذونه ډیر دي نوموړي وویل د لته نورو قاغذونه نه بلکي د افغانستان اصلي وثیقه چې اساسې قانون دی د باور وړ دی.

غني ټینګار وکړ چې واک به یوازي د ټاکنو له لاري او منتخب ولسمشر ته سپاری او له هغې ور اخوا هیڅ ورته د منلو وړ نه دي.

تراوسه پوري د دې هوکړې په هکله نور مالومات نه دي وړاندې سوي خو ویل سوي چې د دې طرحې ترڅنګ ښايي امریکا یو شمېر نور وړاندیزونه هم ولري.