ښځې پنځه ډوله نارینه نه خوښوي

خبريال وېبپاڼه- د ځینې انسانانو ناوړه خويونه دومره زيات وي او د بدلېدو چانس يې کم وي چې نور مقابل طرف یې نه غواړي او یا هم نشي کولی چې ويې زغمي، له همدې دا ډول کسان نور پخپل ژوند کې نه غواړي.

په دې ليکنه کې د نارينه و له هغه ډولونو څخه بحث کوو چې ښځې ورسره يوځای ژوند تېرول نه غواړي.

لومړی، هغه نارينه چې بخيل وي نو هېڅ تمه دې نه کوي چې ښځينه به ورسره مینه وکړي او يا به ورسره په یو ځای ژوند کې وخت تېر کړي، په دې باندې ډېری کسان پوهېږي چې ښځې د سودا اخیستلو، مارکېټ ته تللو او نورو ډول ډول شيانو رانيولو سره څومره مینه لري، نو که خاوند بخيل وي او نه غواړي هېڅ ډول مصرف وکړي د ښځو ژوند ورسره تېرول ډېره ګرانه خبره ده.

دوهم، هغه نارينه چې په خپله خوله کنټرول نلري د خولې هر ډول خبر وزي، د ښځو هېڅ نه خوښېږي او نه غواړي دا ډول یو نارینه پخپل ژوند کې ولري، دا ډول نارينه د ځان او خپلې مېرمنې يا هم خپلې کورنۍ عزت او سويې ته تل يو خطر وي، ځکه هر وخت امکان لري د خولې څخه يې داسې يوه خبره ووزي چې بيا ټول خفه وي.

دريم، بل ډول نارينه ښځې ورسره هېڅ ژوند تېرول نه غواړي هغه نارينه دی چې په ځان باور نلري، د ښځو لپاره دا ډول یو نارینه ډېر زيات ارزښت لري چې په ځان باور ولري، ځکه ښځه پخپله په دې مسله کې يو څه صغيفه وي، هغوی تمه لري دداسې يو نارينه سره ژوند وکړي چې هم هغه په ځان باور او دا هم ددې سبب سي چې ښځه هم نور ځان د هغه په څنګ کې خوندي وګڼي.

څلورم، په دې باندې خو پوهېږئ چې هرڅه د هغه په تضاد باندې شتون لري، په دې مانا چې که سپین رنګ نه وای نو د اور پېژندل هم ګران و، دا دوه قطبه هغه څه دي چې ژوند يې ښکلی کړي دی، نو ښځينه په دې برخه کې هغه ډول نارينه خوښوي چې ددوی د جوړښت سره تضاد ولري، په دې مانا چې يو څه توند يا کم تر کمه جدي، يا داسې وي چې سم بوخت او خپل کار ولري داسې چې نه ټوله ورځ یې يا جينګه خوله نيولې وي يا ټوله ورځ په کور کې ناست وي.

پينځم، ښځې په ټولنيز موقعيت کې ځان تر هر چا کم ليدل نه غواړي، له همدې کبله هغه نارينه چې په ټولنه کې په یوه مسله کې د ځان دفاع نسي کولی يا ډول بې زړه وي د ښځو هېڅ نه خوښېږي او نه غواړي د هغه سره يو عمر ژوند تېر کړي بلکې زر غواړي ددې ډول نارينه څخه ځان خلاص کړي.