د ژر ټاکنو امکان/ بهرنی کارکوونکې ګمارل سوي

خبریال ویبپاڼه/ د افغانستان د ټاکنو کمیسون په یوه جالب خبر کې ویلي چې په دې کمیسون کې ۱۵ بهرني کارپوهان ګمارل سوي چې د ټاکنو کمیسون سره به په دې میاشت کې کار پیل کړي.
د افغانستان د ټاکنو خپلواک کمیسون ویلي دوی خبر نه دي خو د یو ان ډي پي مشر ورته سپارښتنه کړې چې دا ۲۵ کارپوهان باید په دندو وګمارل سي.
تراوسه پوري څرکنده نه ده چې دا کسان د څه لپآره په دندو ګمارل سوي خو داسې ښکاري لکه چې ټاکنې به حتمی ترسره کیږي.
د افغانستان په هکله په د یوې انتقالي دورې د رامنځ ته کیدلو خبره سوې چې همدا حکومت به د ټاکنو لپاره زمینه برابروي خو ټاکنو کمیسون په دې اړه نور جزیات نه دي ورکړي.
په افغانستان روانې جګړې د حل لارې موندلو په موخه د امریکا په ګډون سیمه ییز هېوادونه لاس په کار سوي اوغواړي چې نور د ټولو طرفونو په نظر کې نیولو سره د یوه سوله ییز افغانستان پر لور قدمونه واخستل سي.
د افغان ولسمشر له لوري هم په یوه طرحه کې پر ټاکنو او یوه منتخب کس ته د واک سپارلو خبره سوې چې دی به له ټاکنو وروسته یوه منتخب ولسمشر ته واک سپاري خو هغه مهال طالبانو له دې طرحې سره مخالفت وکړ او په ټاکنو کې يې برخه اخیستنه رد کړه.
خو د ژر ټاکنو لاره ښايي تر ټولو اسانه لاره وي چې هېوادونه او سیمه يې وټاکي هلته کیدلای سي چې یوازي د طالب دا وا نه وریدل سي او د ټولو طرفونو په مشوره سره یوه داسې لاره وټاکل سي چې د افغانستان اتلس کلنې لاس ته راوړنې ولسواکي او جمهوریت پکښي خوندي وي.
د ترکیې راتلوونکي کنفرانس ته د چمتوالي او پوره ژمنتیا لپاره هڅې روانې دي چې خلیلزاد پوره څلور ورځې په افغانستان کې له سیاسونو حزبونو، مدني فعالانو او چارواکو سره لیدنې درلودې او د ترکیې د راتلوونکې کنفرانس په اړه يې د نظریاتو ډاډمنتیا ترلاسه او نن یې خپل سفر افغانستان کې پای ته ورساوه

ترڅو د نورو اجراتو لپاره امریکايي چارواکو سره هم خبرې وکړې په نژدې راتلوونکې کې تمه ده چې د ترکیې کنفرانس به جوړسي