عائزہ خان په فېش شو کې ماسک وکاروو

خبریال وېب پاڼه/ د خطرناک کورونا ویروس له خپرېدو وروسته، په ټوله نړۍ کې خلک د احتیاطي تدابیرو په توګه د مخ ماسک کاروي.

د ویروس پرۍوړاندې د ځان خوندیتوب په پار په نړیواله کچه د ماسکونو کمښت احساس شوی او سره له دې چې په نړۍ کې بېلابېلې کمپنۍ او شرکتونو د ماسکونو جوړولو ته مخه کړې ده.

لومړنی شرکت چې د مخ ماسک معرفي کوي چې د انترو پومورفیک اثر سره ورته دی هغه یو و، چې خورا مشهور شو، په داسې حال کې چې یوه امریکایی شرکت د سانګ او کاشي پوټکي څخه د مخ ماسکونه هم چمتو کړي.

په دې وروستیو کې، د کورونا ویروس په اړه احتیاطي تدابیرو په پام کې نیولو سره، عائزہ خان چې يوه پاکستانۍ موډله ده په دې وروستیو کې يي د کرونا په اړه د عامه پوهاوي په لړ کې په يوه فېشن شو کې له داسې يوه ماسک څخه ګټه پورته کړه کوم يو چې يي له جامو سره يو شان رنګ درلود.

که څه هم ‌ډېر وخت فېشن شوګانو لپاره داسې خلک غوره کیږي چې ظاهراً ډېر ښکلي او جذابه ښکاره شي، څو د کالیو او یا نورو توکو د شو کولو ترڅنګ د ښې او ښکلي څېرې په لرلو سره د خلکو پام ور واوړي، خو دا لومړی ځل دی چې يوه موډله په فېشن شو کې خپل مخ د ماسک په وسیله پټوي او موډلینګ ته راوځي.

له دې کار یې موخه دا وه، ترڅو عام وګړي د ماسک کارولو ته راوبلي.

يوې څېړنې او معلوماتي راټولیدنې جوته کړې، که په يوه ټولنه کې يوازې روغ کس ماسک وکاروي ګټه به یې دومره نه وي، لکه روغ او ناروغه دواړه یې چې وکاروي.

د ځان ساتنې او د کرونا خطرناکه ناروغۍ د خپرېدا څخه د مخنیوي په پار هر وګړي ته په کار ده چې د روغتیاپالانو له لورې شويو سپارښتونو ته پام وکړي او تر ډېره د ماسکونو کارول لازمي عمل وګرځوي.