په بدخشان کې طالبانو یو شمېر ځوانان د اته رکعته تراویح د ادا کولو په تور وهلي او بندیان کړي
خبریال وېبپاڼه: په بدخشان ولایت کې سیمه ییزې سرچینې وايي، چې طالبانو په دغه ولایت کې اته تنه لمونځ کوونکي وهلي او بندیان کړي دي.
د سرچينې د معلوماتو له مخې، د طالبانو د امر باالمعروف کسانو دغو ځوانانو ته په اته رکعته د تراويح د لمونځ کولو سزا ورکړې ده.
د سرچينې په وینا، دغه ځوانان د څو ساعتونو لپاره د بدخشان ولايت په شهدا ولسوالۍ کې د طالبانو له خوا بنديان وو.
ویل کیږي، هغه ځوانان چې وهل شوي او بندیان شوي د سلفیت پیروان وو او په همدې خاطر یې اته رکعته د تراویح لمونځ ادا کړ.
په همدې حال کې د بدخشان یو شمېر اوسېدونکي وايي چې طالبانو د دغه ولایت اوسېدونکو ته خبرداری ورکړی چې که په اتو رکعتونو کې د تراویح لمونځ وکړي سزا به ورکړل شي.
Comments are closed.