مسټر ټرمپ د افغانستان اوسنیو واکمنانو ته بیا په قهر دی
د امریکا نوی منتخب شوی ولسمشر ډونالډ ټرمپ یو ځل بیا د افغانستان څخه د امریکایانو وتلو په قهر کړی دی او همدا راز طالبانو ته د ډالرو ورکولو د بندولو خبره یې هم کړې ده.
څه ورځو وړاندې یو طالب چارواکي عباس ستانکزي د ډونالډ ټرمپ په تړاو ویلي و، چې مسټر ټرمپ یو قاطع انسان دی او که وغواړي دوی ورسره دوستي کوي.
خو ټرمپ په خپلو تازه څرګندونو کې یو ځل بیا جو بایډن ته غصه ښکاره کړې ده او ویلي یې دي، چې که زه وای نو له افغانستان څخه به په ډېر عزت راوتلی وای، د افغانستان څخه د امریکا په داسې ډول راوتل روسیه زړوره کړه چې په یوکراین برید وکړي.
ډونالډ ټرمپ همدا راز دا هم ویلي دي، چې د افغانستان اوسنیو واکمنانو ته ولې په میلیاردونو ډالر ورکول شوي دي؟ دا باید ژر تر ژره بند شي.
د یادولو وړ ده، چې په افغانستان د طالبانو له واکمنېدو راهیسې امریکا په بېلا بېلو نومونو طالبانو ته میلیاردونه ډالر ورکړي دي او ان په قطر کې د طالبانو د دفتر ټول مصارف هم امریکا ورکوي.
