د هېواد ګمرکونه د مرکزي سیستم له لوري اداره کیږي
خبریال وېب پاڼه/ د فساد سره د مبارزې لپاره د افغانستان د مالیې وزارت تازه کړنلاره!
د افغانستان د مالیې وزارت وايي، وروسته له دې به د هېواد مهم ګمرکونه د مرکزي سیستم له لوري اداره کیږي.
یاد وزارت وايي چې د ګمرګونو کنټرول د مرکزي سیسټم له فساد څخه مخنیوي کوي او په ګمرګونو کې د روڼتیا د ټینګښت لامل ګرځي.
دا سیسټم د هندي شرکت له لوري د یو میلیون او درې سوه زره ډالره لګښت سره جوړ شوی دی او اوس مهال پنځه ګمرګونه سره نښلول شوي دي.
تېره ورځ د ګمرکونو کنټرول مرکزي سیسټم پرانستل شو، موخه يې هم په ګمرکونو کې د روڼوالي ټینګښت او د فساد کموالی بلل کیږي.
د هېواد په سترو عایداتي سرچینو کې د فساد شتون هره شېبه شتون لري دغه سیسټم چې ګټه اخیستل شوی دی په ګمرګونو کې د فساد لاس لرونکو، په کالیو باندې د تعرفې کمښت ښکاروندوی کوي.
د مالیې وزارت وايي چې دغه سیسټم سره ګمروکونو کې سوداګریز توکي د صفر څخه به تر مقصد پورې کنټرول شي.
د ننګر هار، هرات، آقینه، نیمروز او کندهار ګمرکونه تر اوسه د کنټرول مرکزي سیسټم سره وصل شوي دي.
هغه سیسټم چې د قاچاقي توکو څخه هم مخنیوی کوي او د دولتي بنسټونو ترمنځ همغږي هم زیاتوي.
د سوداګرۍ خونه وايي چې په ګمرکونو کې د تسهیلاتو راوستلو سره د هېواد عواید زیاتیږي، چې د هېواد نږدې پنځوس سلنه عواید د ګمرکونو څخه ترلاسه کیږي.
د افغانستان د روڼتیا بنسټ راپور ښايي چې د هېواد زیات شمېر عواید په ګمرکونو کې حیف او میل کیږي او په لویه کچه فساد په دغه عواید لرونکې برخه کې شتون لري.
Comments are closed, but trackbacks and pingbacks are open.