تیره میاشت ۵۵۰ ملکي وګړو ته مرګ ژوبله اوښتې

خبریال ویبپاڼه/ د یوه راپور له مخې تیره میاشت ۱۸۰ملکي وګړي وژل سوي او ۳۷۰ ژوبل سوي دي د بښنې نړیوال سازمان پر نړیوالو ږغ کړی چې د افغانستان اوسني حالت ته دي پام وکړي

د افغانستان په یو شمېر ولایتونو کې د افغان دولت پر ضد د جګړې او تاوتریخوالي زیاتیدل یو لړ اندېښنې څرګندې کړې د بښنې نړیوال سازمان د ملکیانو په هکله خواشیني څرګنده کړې

پر همدې مهال د ناټو سرمنشي هم له طالبانو د تاوتریخوالي کمیدولو غوښتنه کړې وه د هلمند جګړه کې تر لس زره زیاتو کورنیو خپل کورونه پریښي او هیڅ یو ډول مرسته د دوی  د زیاتوالي له امله ورته بسنه نکوي

هتله میشت خلک کوم ډول ستونزې لري

د ناوې، نهر سراج ناد علي هغه ولسوالۍ دي چې خلک د جګړې له امله د خپلو  کورنو پرېښودو ته اړې سوې له دې ولایته راپورنه وايي چې لاهم د نا امنۍ احتمال زیات دی او ټول خلک په ویره کې دی

له یادو ولسوالیو څه د پاسه ۵۰۰۰ کورنۍ په حالت کې ژوند کوي او له ګڼو ستونزو سره مخ دي هغوی له دولته غوښتې چې ورسره بیړنۍ مرستې وکړي دا خلک تر ډیره د خوراکي توکو او ځای نشت والي څخه سرټکوي

د تیرو دوه اونیو راهیسي په هلمند کې د دوامداره نښتو له کبله په سیمه کې د کډوالۍ چاره پیل سوې او خلک له جګړې څخه امن سیمو ته په تیښته کې دي

پر همدې مهال د بښنې نړیوال سازمان د جګړې بې  ځایه سویو او جګړه کې د ښکیلو ملکي کسانو په اړه اندېښنه څرکنده کړې د ې سازمان ویلي چې  په افغانستان کې روانه خونړۍ جګړه هره ورځ د ملکي انسانانو ژوند اخلي

دې سازمان ویلي د سولې خبرو سره پر وخت یو وخت جګړه د جدي اندېښنې وړ ده او دا جګړه تر بل هر وخت خونړۍ سوې ده

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More