حکمتیار: پاکستان د افغان سولې بهیر کې صادقانه همکاري کوي

خبریال وېب پاڼه/ د افغانستان د حزب اسلامي ګوند مشر ګلبدین حکمتیار پاکستان ته له سفر او بېرته را ستنېدلو وروسته نن خبري غونډه کې د وینا پر مهال پاکستان ته له خپل سفر یادوونه وکړه.

حکمتیار وایي، پاکستان ډاډ ورکړی او د افغان سولې په بهیر کې صادقانه همکاري کوي.

حکمتیار وایي د طالبانو اوسنی حکومت نه دی خوښ او باید موقت حکومت رامنځته شي.

د حزب اسلامي ګوند مشر ګلبدین حکمتیار په دوحه کې د مذاکراتو پر پلاوو نیوکه وکړه او ویې ویل چې دا خبرې یوازې د طالبانو او ارګ تر منځ روانې دي.

حکمتیار وایي حکومت د امنیت په ټینګښت کې پاتې راغلی او باید دا مسؤولیت خلکو ته ورکړي.

د حزب اسلامي مشر ګلبدین حکمتیار تېره اوونۍ د پاکستان حکومت په بلنه اسلام اباد ته سفر کړی وو.

حکمتیار په اسلام اباد کې د خبري کنفرانسونو پر مهال پر افغان حکومت نیوکې وکړې او تورن یې کړ چې سوله نه غواړي او د جګړې دوام یې خوښ دی.

د حکمتیار دا څرګندونې په هېواد دننه او بهر له تندو غبرګونونو سره مخ شوی او حکمتیار یې د پاکستان د لاس ګوډاګی یاد کړ.

د حزب اسلامي ګوند مشر ګلبدین حکمتیار د پاکستان حکومت په بلنه اسلام اباد ته د سفر په لومړۍ لیدنه کې د پاکستان بهرنیو چارو وزیر شاه محمود قریشي او د بهرنیو چارو وزارت له لوړ پوړو چارواکو سره ولیدل او بیا یې د پاکستان له لومړي وزیر عمران خان، د پاکستان د پارلمان له مشر صادق سنجراني او نورو لوړ پوړو چارواکو سره لیده کاته وکړل.

د ګلبدین حکمتیار سره تللی پلاوی ویلي وو، چې حکمتیار له پاکستانیو چارواکو سره د افغان سولې پر پروسې او د افغانانو خپل منځي ناستو په تړاو خبرې اترې کړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More