صالح: د ۳۰ موټرونو غله نیول سوی

خبریال ویبپاڼه/ وروسته له هغه چې د ولسمشر لومړي مرستیال امرالله صالح ته د کابل امنیت چارې وسپارل سوې نوموړی له بیلابیلو تاکتیکونو کار اخلي او په دې لوی ښار کې د جنایتونو مخه نیسي

د ولسمشر لومړي  مرستیال امرالله صالح ویلي هغه کس یې نیولی چې د کابل ښاریانو څخه يې ۳۰ عرادې موټرونه غلا کړي ول ښاغلي صاحل د اڅرګندونې پر فسبوک پاڼه لیکلي، چې دې کسانو په دې وروستیو کې د کابل ښار له بیلا بیلو سیمو څخه ۳۰ موټرونه غلا کړي وو او له ښار څخه د باندې یې د موټرو پلورنځیو ته انتقال کړي وو.

امرالله صالح ویلي د جنایتونو د کچې ټیټولو لپاره خپلې هڅې جاري ساتي تر څو کابل ښاریان هوسا کړي

څو ورځې وړاندې کابل او پروان کې د ښاغلي صالح په امر د موټرونو پلورنځي محاصره سوي وو، د صالح په خبره  د کابل او پروان ولایت قره باغ ولسوالۍ کې د موټرو پلورنځي کې ډیری موټرې هماغه دي، چې له کابل څخه غلا شوي او هلته د رنګ بدلون سره پلورل کیږي.

ښاغلي صالح په خپله فېسبوک پاڼه کې لیکلي چې یو ګډ کاري ځواک به ډیر ژر له کابل بهر د موټرو پلورنځي محاصره کړي او د غلا سويو موټرو راپورونو ماته راکړل سوي چې دلته د غلا سویو موټرونو رنګونه تبدلیږي او له هغې وروسته خرڅلاو ته وړاندې کیږي.

د ولسمشر لومړی مرستیال همدا ډول: د ویجاړې سویو ودانیو مالکینو ته وخت ورکول کیږي، چې ساحه له آشغالو څخه پاکه کړي؛ که نه نو د دوی اوسپنې او نور مواد وړل کیږي، د وړلو پېسې به یې د دغه مواد له لیلام څخه لاس ته راوړو. هغه کسان چې فکر کوي، چې دا فعالیتونه د څو ورځو له پاره وو؛ باید بیا فکر وکړي.

هغه دا هم وویل: چې د بې اسنادو موټرو تګ راتګ ۹۰ سلنه کم سوی؛ مګر دا کافي ندی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More