افغان باسیکل ځغلونې لوبډله پاکستان ته تللې

خبریال ویبپاڼه/ افغان ځوانان د وروستیو کلونو را په دې خوا د ورزش په ټولو برخو کې ښه ځلیدلي او په دې برخه کې يې خپلې هیلې ترلاسه کړې دي تازه د افغانستان د بایسکل ځغلونې شپږ کسیز ټیم پاکستان کې د یو سیالۍ کې د ګډون په هدف اسلام اباد ته رسیدلی دی ترڅو په دې هېواد کې د بایسکل ځغلونې په برخه کې سیالۍ ترسره کړي
د بایسکل ځغلونې دا لوبډله به د یک شنبې په ورځ د پاکستاني بایسکل ځغلونې لوبډلې سره د اسلام اباد څخه تر مرې سیمې پوري د بایسکل ځغلونې لوبه ترسره کړي لا له وړاندې نه ویل کیږي چې د دې سیالۍ ګټوونکي به څو ک سي خو افغان ځوانان له پوره چمتوالي سره تللی او د بریا هیلي لري
افغانان ځوانان د کرکټ په ګډون د ورزش په ټولو برخو کې بریاوي راوړي خو د لته د هر ورزش مشرتابه او مسؤل چارواکي خپل مسؤلیت په ښه توګه نه ادا کوي او په ټولو برخو کې ځوانانو او لوبغاړو ته ستونزې جوړوي او د سپورت برخه کې هم فساد کوي، په دې وروستیو کې د کرکټ د میلیون جام د پیل په هکله ډیرو هېوادوالو ټینګار وکړ اود کرکټ بورډ له لوري يې د دې لوبو د ځنډ پر ضد لاریون هم وکړ،
کونړیانو وویل چې د میلیون جام مخنیوی؛ د ځوان استعداد د پرمختګ مخینوی دی او باید کرکټ بورډ د دې لوبو مخه ونه نیسي ځوانانو د لاریون پر مهال چغې وهلې چې له کرکټ سره د مور او میرې چلند نه سو زغملی، ولسمشر دې کرکټ کرکټرانو او په کرکټ پوه اشخاصو ته وسپاري.
دوی د فرهان یوسفزي پر ضد چغې وهلې چې نور یې نه غواړي، ژر تر ژره دې ګوښه او محاکمه سي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More