د امنیتي چارو د وزيرانو د تاييد نه مخکې راکټي بریدونه

خبریال وېبپاڼه/ په کابل ښار نن ګڼ راکټي بریدونه وشول، په دې بريدونو کې ۱۱ افغانانو خپل ژوند له لاسه ورکړل، د بريد په تړاو ګڼې اندېښنې د خلکو او شننوکو سره پيدا سوې، بريد په داسې ورځ ترسره شو چې د امنیتي چارو وزيران نن د تاييد لپاره ولسي جرګې ته معرفي کېدل.

د امنیتي چارو د وزيرانو د بدنامولو هڅه
طالبانو په نني برید کې لاس لرل رد کړل، بريدونه هم داسې ترتيب شوي و چې تلفات یې موخه نه وه، بريدونه په داسې ځايونو ترسره شول چې سياسي اهميت یې درلود.

د بريد‌ نوعیت دا فکر انسان ته ورکوي چې بريدونه په همدې سبب شوي ترڅو د هېواد امنیتي چارواکي بدنام کړي ترڅو خلک ورباندې دا نيوکه راحت وکړي چې دومره مهم ځايونه هم نشي ساتلی.

داسې بريدونه په کابل کې ډېر کم ليدل شوي د ۲۰۰۱ م کال راهيسې د دا ډول بريد مثال پيدا کول ګران دي، دا ډول بريد ځانګړي امکانات غواړي چې بدون د قوي ملاتړ امکان نلري، په ښکاره کولی سو ووايو چې د حکومت د مهمو واکمنو څخه د مرستې پرته دا ډول بريد امکان نلري.

د بریدونو تر شا پټ لاسونه
شننوکي شکمن دي چې په حکومت کې د امینتي وزیرانو سره ځینې کسان نه دي جوړ او غواړي دوی لومړی بدنام کړي او بیا یې په دې طریقه د خپل چوکيو څخه لرې کړي، په حکومت کې لوړ پوړي کسان دا فکر کوي چې امینتي وزيران په دوی د بهرنيانو له لوري تپل شوي دي او‌ بايد له دندې په هره ممکنه لار لرې شي.

بريدونه دقیق په دې وخت کې شول چې سبا سهار یې ولسي جرګې ته د تاييد د رایې لپاره امینتي وزيران ور معرفي کېدل، په دې ورځ دا ډول بريد بدون له دې چې ښکاره دسیسه نه وي بل تفسير ورڅخه ګران دی.

د کابل د زړه څخه د یوه موټر څخه دا ډول راکټي بریدونه کول يو له هغه هڅو څخه دي د ملي دفاعي چارو وزيران بدنام کړي او دوی د امنيت ساتنې په چارو کې خلکو ته ناکام وښايي.

ننيو بريدونو يو ځل بيا وښوده چې په واکمن ټيم کې داسې کړۍ شته چې د کلک عزم خاوند کسان نشي زغملی او ددوی د شتون حوصله نلري، دوی غواړي د خپل اقتدار عمر اوږد کړي، ددې لپاره په هېڅ کار هم صرفه نکوي.

 

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More