د چمن غونډې پاکستان ته ټکان ورکړ، پر پښتنو یې حمله کړې

خبریال وېبپاڼه/ پاکستاني پوځ نن مازدیګر ناوخته په چمن ښارګوټي کې ډېورنډ کرښې ته څېرمه پر پښتنو ډزې کړي دي.

په سیمه کې د خبریال وېبپاڼې همکار وايي، چې ځیني بې وسه پښتانه ټپیان شوي دي چې لا یې دقیقه شمېره نه ده روښانه.

ویل کېږي، چې مسافرو د چمن – سپین بولدک د لارې د خلاصیدو غوښتنه کوله، خو داسې ښکاري چې صبر تمام شوی او پر دروازه یې د افغانستان لوري ته د اوښتو هڅه کړې ده.

 دې نښته کې د ځینو کسانو وژل کېدو ترڅنګ یو شمېر مسافرو ژوبل شوي دي.

د ځايي اوسېدونکو په خبره، د پاکستاني پوځیانو او پښتنو مسافرو ترمنځ وضعیت خراب شو او احتجاج کوونکو هلته ځینو تاسیساتو ته اور ورته کړ.

دا پېښه په داسې  حال کې  کېږي چې د تېرې جمعې په ورځ د پښتو ژغورنې غورځنګ مشر تللی و او هلته یې د پښتون ژغورنې غورځنګ په لویه غونډه کې ګډون وکړ او د پاکستاني پوځ خلاف یې څرګندونې وکړې.

داسې ښکاري چې د چمن غونډې پاکستان ته سخت ټکان ورکړ او وارخطا یې کړ، ځکه یې نن پر پښتنو برید وکړ.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. AcceptRead More